హిట్ కాంబినేషన్ నుండి మరో సినిమా ఆశించడం చాలా సులభం. అయితే వారి నుండి వచ్చే సినిమా హిట్ కొట్టడం అంత కష్టం. తొలి సినిమా విజయం ఇచ్చిన కిక్‌.. అభిమానులకు ఇంకా గుర్తుంటుంది. దాంతో తర్వాతి సినిమా డబుల్‌ ఫీస్ట్‌లా ఉండాలని కోరుకుంటుంటారు. అయితే ఇలాంటి సిచ్యువేషన్‌లో హిట్లు కొట్టిన దర్శకుల రేంజి అమాంతం పెరిగిపోతుంది. ప్రస్తుతం ఇలా డబుల్‌ ఫీస్ట్‌ రిక్వైర్‌మెంట్‌లో ఉన్న దర్శకుడు హరీశ్‌ శంకర్‌. ‘గబ్బర్‌ సింగ్‌’ లాంటి ఇండస్ట్రీ హిట్ ఇచ్చాక… ఇప్పుడు మరోసారి పవన్‌తో జట్టుకడుతున్నారు. మరి ఈ సినిమా ఎలా ఉండబోతోంది.
ప్రస్తుతం పవన్ కల్యాణ్‌ వరుస సినిమాల చిత్రీకరణలో బిజీగా ఉన్నాడు. అవి పూర్తయ్యేలోపు హరీశ్‌ శంకర్‌ కథ సిద్ధం చేసుకోవాలి. మిగిలిన పనులు పూర్తి చేసుకోవాలి. దీంతో చాలా బిజీగా ఉన్నాడు. తాజా సమాచారం ప్రకారం చూస్తే ఈ సినిమా ‘మిరపకాయ్‌’తరహాలో ఉంటుందని టాక్‌. అయితే అంతకుమించి వినోదాన్ని పంచేలా హరీశ్‌ కథను సిద్ధం చేస్తున్నాడట. ఈ సినిమాలో పవన్ ఫ్లాష్‌బ్యాక్‌లో ఐబీ ఆఫీసర్‌గా కనిపిస్తాడని ఇప్పటికే వార్తలొచ్చాయి. దీంతో అభిమానులు అప్పుడే ఐబీ ఆఫీసర్‌గా పవన్ ఎలా ఉంటాడో అని అంచనాలు వేసుకుంటున్నారు.
అంతేకాకుండా ఈ సినిమాను కోల్‌కతా బ్యాక్‌డ్రాప్‌లో రూపొందిస్తున్నారని సమాచారం. ఇటీవల రిలీజ్‌ చేసిన కాన్సెప్ట్‌ పోస్టర్‌లో పెద్ద విషయాలు ఏమీ చెప్పకపోయినా. ఆసక్తి అయితే రేకెత్తించారు. అన్నట్లు ఈ సినిమా చిత్రీకరణను జూన్‌ తర్వాత మొదలుపెడతారని వార్తలొస్తున్నాయి. నెలలో పది రోజులు పాటు ఈ సినిమాకు పవన్ డేట్స్‌ ఇచ్చారని సమాచారం. మైత్రీ మూవీ మేకర్స్‌ ఈ సినిమాను నిర్మిస్తోంది.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home