సోషల్‌ మీడియాలో నిన్న మొన్నటివరకు ట్రెండింగ్‌ అంటే ఎన్నికలకు సంబంధించిన వార్తలే. ఎక్కడ ఎవరు గెలిచారు, ఎవరు ఓడిపోయారు అని మాట్లాడుకున్నారు, అవే చూశారు. అయితే నిన్న సాయంత్రం నుండి సోషల్‌ మీడియాలో ముఖ్యంగా తెలుగు ప్రజలకు సంబంధించిన ఖాతాల్లో ఓ వీడియో తెగ వైరల్ అవుతోంది. అంతేకాదు ఆ వీడియోకు సంబంధించిన చిన్న చిన్న బిట్లు కూడా తెగ వైరల్ అవుతున్నాయి. ఆ వీడియో ‘మెగా పవర్‌ సంబరాలు’ అయితే.. ఆ చిన్న వీడియోలు అందులో స్పెషల్ సైడ్‌లైట్స్‌.
ఆంధ్రప్రదేశ్‌లో ఇటీవల జరిగిన అసెంబ్లీ, సార్వత్రిక ఎన్నికల్లో 100 శాతం స్ట్రయిక్‌ రేటుతో జనసేన పార్టీ ఘనవిజయం సాధించింది. ఈ నేపథ్యంలో మెగా ఫ్యామిలీ అంతా కలసి చిన్నసైజు పండగ నిర్వహించుకున్నారు. చిరంజీవి (Chiranjeevi) ఉంటికి పవన్‌ని (Pawan Kalyan) పిలిచి మొత్తం కుటుంబ సభ్యులు కలసి కేక్‌ కట్‌ చేసి సందడి చేశారు. ఈ క్రమంలో కొన్ని ఫ్రేమ్స్‌, వీడియోలు ఆసక్తికగా కనిపించాయి. అవే ఇప్పుడు మీకు చెప్పబోతున్నాం.
మూడున్నర నిమిషాల ఆ వీడియోను మీరు కూడా పదే పదే చూసే ఉంటారు. అయితే మేం చెప్పబోయే సీన్స్‌ మీరు కూడా చూశారో లేదో చెక్‌ చేసుకోండి. చిరంజీవి పాదాలకు పవన్‌ నమస్కరిస్తున్నప్పుడు పక్కనే నిల్చుకున్న తల్లి అంజనాదేవి ముఖంలో అమితానందం గమనించారా? , పవన్‌కు దండ వేయడానికి చిరంజీవి సిద్ధమవుతూ గాల్లో కాస్త ఎగిరి గంతేయడం చూశారా?, పవన్‌తో నాగబాబు (Naga Babu) ఫ్యామిలీ గ్రూపు ఫొటో దిగుతున్నప్పుడు వెనుక నాన్నమ్మ కాళ్లకు నమస్కరించి ఆశీర్వాదం తీసుకుంటున్న అకిరాను చూశారా?
పవన్‌ కేకు కట్‌ చేస్తున్నప్పుడు సాయి ధరమ్‌ తేజ్‌ (Sai Dharam Tej) ఈలలు కంటిన్యూస్‌గా వేస్తూనే ఉన్నాడు. ఓసారి చిరంజీవి భుజం తట్టి ప్రోత్సహించగా.. మరోసారి అకిరా నందన్‌ చెవులు చిల్లుపడుతున్నాయ్‌ అనే ఎక్స్‌ప్రెషన్‌ ఇచ్చాడు. ఆ తర్వాత మరోసారి ఈల వేయగా అన్నా లెజ్నోవా, పవన్‌ కల్యాణ్‌ షాక్‌ అయ్యి వెనక్కి చూశారు. దానికి సాయితేజ్‌ రియాక్షన్‌ అయితే అదుర్స్‌ అని చెప్పాలి. ఇక ఆరున తల్లి అంజనా దేవి కాళ్లకు పవన్‌ నమస్కరిస్తున్నప్పుడు భార్య అన్నా లెజ్నోవా ఆయన చెప్పులు తీసి చేతితో పట్టుకుని పక్కకు వచ్చారు.
View this post on Instagram
