డైరెక్టర్ల కొడుకులు, కూతుర్లు సినిమాల్లో నటించడం కొత్తేమీ కాదు. చాలా సినిమాల్లో డైరెక్టర్ల కొడుకులు సినిమాల్లో చిన్న చిన్న పాత్రలు చెయ్యడం మనం చూస్తూనే వస్తున్నాం. హీరో చిన్నప్పటి రోల్సో లేక మరేదైనా పాత్రల్లో వారు కనిపించేలా చేస్తుంటారు దర్శకులు. ఇది చాలా సర్వ సాధారణమైన విషయం. గతంలో పూరి జగన్నాథ్ కొడుకు ఆకాష్ కూడా ‘చిరుత’ ‘బుజ్జిగాడు’ ‘బిజినెస్ మెన్’ ‘గబ్బర్ సింగ్’ వంటి చిత్రాల్లో హీరో చిన్ననాటి పాత్రలు పోషించేవాడు.
ఇక ‘లెజెండ్’ చిత్రంలో బోయపాటి శ్రీను కూతురు కూడా ఓ పాత్ర పోషించింది. ఆ పాప ఫోటోతో ఎన్ని మీమ్స్ వచ్చాయో.. ఆ పాప ఎంత పాపులర్ అయ్యిందో ప్రత్యేకించి చెప్పనవసరం లేదు. తాజాగా దర్శకుడు గోపీచంద్ మలినేని కొడుకు కూడా ‘క్రాక్’ చిత్రం ద్వారా తెరంగేట్రం చేసేసాడు. ఈ చిత్రంలో రవితేజ, శృతీ హాసన్ ల కొడుకుగా గోపీచంద్ మలినేని కొడుకు కనిపించాడు. ముదురు మాటలు మాట్లాడుతూ తండ్రి పై సెటైర్ లు వేస్తూ.. చాలా ఫన్నీగా ఉంటుంది ఈ పాత్ర. ఈ బుడ్డోడు ఓ ఫైట్ కూడా చేసేసాడు.
థియేటర్లలో ఫ్యామిలీ ఆడియెన్స్ ను బాగా నవ్విస్తూ ఎంటర్టైన్ చేస్తున్నాడు ఈ పిల్లాడు. ఏమైనా తన కొడుకుని ఇండస్ట్రీకి పరిచయం చెయ్యడమే కాకుండా మొదటి సినిమాతోనే హిట్టు అందుకునేలా చేసాడు గోపీచంద్ మలినేని. ఇక ‘క్రాక్’ చిత్రం ప్రస్తుతం హౌస్ ఫుల్ కలెక్షన్లతో రన్ అవుతుంది. గత 3 ఏళ్లుగా సరైన హిట్టు కోసం ఎదురుచూస్తున్న రవితేజ ఆశలను తీర్చింది ఈ చిత్రం.
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
