Sontham Movie: 19 ఏళ్ళ ‘సొంతం’ గురించి ఇంట్రెస్టింగ్ విషయాలు..!

ఇ.వి.వి.సత్యనారాయణ గారి మొదటి అబ్బాయి ఆర్యన్ రాజేష్ హీరోగా నమిత హీరోయిన్ గా శ్రీను వైట్ల డైరెక్షన్లో తెరకెక్కిన చిత్రం ‘సొంతం’. ‘జెడి ఆర్ట్స్’ బ్యానర్ పై ఎస్.సోంపల్లి,వి.ఆర్.కన్నెగంటి లు కలిసి ఈ చిత్రాన్ని నిర్మించారు. 2002 వ సంవత్సరం ఆగష్ట్ 23న ఈ చిత్రం విడుదలైంది. అంటే నేటితో ఈ చిత్రం విడుదలై 19ఏళ్ళు పూర్తి కావస్తోందన్న మాట. నిజానికి ఈ చిత్రం బ్లాక్ బస్టర్ కాలేదు.బాక్సాఫీస్ వద్ద ఈ మూవీ యావరేజ్ ఫలితాన్ని మాత్రమే అందుకుంది. మరి ఈ మూవీ గురించి ప్రత్యేకంగా ఎందుకు చెప్పుకుంటున్నట్టు? అనే ప్రశ్న ఎదురైతే కనుక అది నిజంగా అతిశయోక్తి అవుతుంది.

ఎందుకంటే ఈ చిత్రం ఇప్పటికీ ప్రేక్షకులను అలరిస్తూనే ఉంది. థియేటర్లలో ఆడుతుంది అని కాదు.. ఇప్పటికీ బుల్లితెర పై ఈ చిత్రాన్ని చూస్తూ ఎంజాయ్ చేస్తూనే ఉన్నారు ప్రేక్షకులు. ‘సొంతం’ లో మనం మెయిన్ గా చెప్పుకోవాల్సింది సునీల్ కామెడీ గురించి. ఈ మూవీలో సునీల్ కామెడీ ట్రాక్ చాలా పెద్దదే. ‘కొద్దిపాటి ఫ్రస్ట్రేషన్లో ఉన్నప్పటికీ ‘సొంతం’ సినిమా చూస్తే రిలాక్స్ అయిపోతాము’ అని చాలా మంది సోషల్ మీడియాలో కామెంట్లు పెడుతుంటారు. శ్రీను వైట్ల, చింతపల్లి రమణ రాసిన పంచ్ డైలాగ్స్ ఇప్పటికీ జనాల నోట్లో నానుతూనే ఉన్నాయి. దేవి శ్రీ ప్రసాద్ ప్రసాద్ సంగీతంలో రూపొందిన పాటలు అన్నీ చార్ట్ బస్టర్సే..!

సెన్సిబుల్ లవ్ స్టోరీతో పాటు మంచి ఎమోషనల్ సీన్స్ కూడా ఉంటాయి. ‘ఇన్ని హైలెట్స్ ఉన్నా సినిమా ఎందుకు ఆడలేదు?’ అని దర్శకుడు శ్రీను వైట్లని అడిగితే.. ‘ ‘సొంతం’ రాంగ్ టైంలో రిలీజ్ అయ్యిందని అంటుంటారు. అంతేకాకుండా పోటీగా రిలీజ్ అయిన ‘ఇడియట్’ మూవీ సూపర్ హిట్ అవ్వడం అలాగే అప్పటికీ మెగాస్టార్ చిరంజీవి ‘ఇంద్ర’ మూవీ రికార్డు కలెక్షన్లు రాబడుతుండడంతో.. తన సినిమాని జనాలు పెద్దగా పట్టించుకోలేదని’ ఆయన ఓ సందర్భంలో చెప్పుకొచ్చారు. అయితే జెమిని వారు ఈ సినిమా శాటిలైట్ హక్కులను మొదటిసారి కొనుగోలు చేసిన దానికంటే.. రెండో సారి, మూడవ సారి రెన్యూవల్ చేయించడానికి ఎక్కువ ఖర్చు చేయడం ఓ సెన్సేషన్ అనే చెప్పాలి.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!