స్టార్ డైరెక్టర్ కొరటాల శివ ఎన్టీఆర్ తో పాన్ ఇండియా సినిమాను తెరకెక్కించనున్నట్టు ఇప్పటికే ప్రకటించిన సంగతి తెలిసిందే. ఆ ప్రకటనకు అనుగుణంగానే కొరటాల శివ ఎన్టీఆర్ సినిమా కోసం బాలీవుడ్ స్టార్స్ ను తీసుకుంటున్నారని సమాచారం. ఇప్పటికే ఈ సినిమాలో హీరోయిన్ గా కియారా అద్వానీ ఫైనల్ అయినట్టు వార్తలు వస్తున్నాయి. ఈ సినిమాలో కీలక పాత్ర కొరకు బొమన్ ఇరానీ ఎంపికైనట్టు తెలుస్తోంది. ప్రస్తుతం రాజమౌళి డైరెక్షన్ లో ఆర్ఆర్ఆర్ సినిమాలో నటిస్తున్న ఎన్టీఆర్ ఆగష్టు తొలి వారం నాటికి ఆ సినిమా షూటింగ్ ను పూర్తి చేయనున్నారు.
ఆ తర్వాత ఎక్కువ గ్యాప్ తీసుకోకుండానే కొరటాల శివ డైరెక్షన్ లో తెరకెక్కే సినిమాలో ఎన్టీఆర్ పాల్గొననున్నారు. కొరటాల శివ ఆచార్య చివరి షెడ్యూల్ షూటింగ్ ను ఈ నెలాఖరు నాటికి పూర్తి చేస్తారని భోగట్టా. ఇప్పటికే ఎన్టీఆర్ మూవీ స్క్రిప్ట్ పనులను పూర్తి చేసిన కొరటాల శివ ప్రస్తుతం నటీనటులను ఎంపిక చేసే పనిలో ఉన్నారు. ఆచార్య సినిమా షూటింగ్ అంతకంతకూ ఆలస్యం కావడంతో కొరటాల శివ ఎన్టీఆర్ సినిమాను వేగంగా పూర్తి చేసేలా ప్రణాళికను సిద్ధం చేసుకున్నారని తెలుస్తోంది.
త్వరలో హీరోయిన్, ఇతర నటీనటుల వివరాలు తెలిసే అవకాశం ఉంది. అత్తారింటికి దారేది సినిమాలో పవన్ తాతగా నటించిన బొమన్ ఇరానీ ఎన్టీఆర్ కొరటాల కాంబో మూవీలో నటిస్తే మార్కెట్ పరంగా ప్లస్ అయ్యే అవకాశం ఉంటుంది. అయితే బొమన్ ఇరానీ నటిస్తున్నట్టు అధికారిక ప్రకటన వెలువడాల్సి ఉంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home