టాలీవుడ్ లో టాక్ ఎలా వచ్చినా సరే మినిమం 50 కోట్లు షేర్ రాబట్టే సత్తా పవర్ స్టార్ పవన్ కళ్యాణ్ కు ఉందనడంలో సందేహం లేదు. నిజానికి ‘అత్తారింటికి దారేది’ లాంటి ఇండస్ట్రీ హిట్ తరువాత పవన్ కళ్యాణ్ కి ఒక్క హిట్టు కూడా పడలేదు. ‘సర్దార్ గబ్బర్ సింగ్’ ‘కాటమరాయుడు’ ‘అజ్ఞాతవాసి’ చిత్రాలు డిజాస్టర్లుగా నిలిచినా… 50 కోట్ల షేర్ కు పైగానే రాబట్టి.. ట్రేడ్ కి సైతం షాక్ కి గురిచేసింది. మధ్యలో వచ్చిన ‘గోపాల గోపాల’ చిత్రం 42 కోట్లు షేర్ ని రాబట్టినప్పటికీ… అందులో పవన్ ది కేవలం అతిధి పాత్ర మాత్రమే..! ఇదిలా ఉండగా… తన సినిమాకి డివైడ్ టాక్ వచ్చినప్పటికీ.. దానిని హిట్ సినిమాగా నిలదొక్కుకునే కెపాసిటీ ‘స్టైలిష్ స్టార్ అల్లు అర్జున్’ కి ఉందనడంలో సందేహం లేదు. బన్నీ చిత్రాలలో కూడా ‘పరుగు’ ‘సన్ ఆఫ్ సత్యమూర్తి’ ‘దువ్వాడ జగన్నాధం’ చిత్రాలకి మొదట డివైడ్ తెచ్చుకున్నాయి. అయినప్పటికీ అవి చివరికి ‘అబొవ్ యావరేజ్’ టు ‘హిట్’ లిస్ట్ లో నిలబెట్టాడు బన్నీ.
ప్రస్తుతం అల్లు అర్జున్… త్రివిక్రమ్ తో సినిమా చేస్తున్న సంగతి తెలిసిందే. ఇప్పటికే త్రివిక్రమ్… అల్లుఅర్జున్ కి రెండు బ్యాక్ టు బ్యాక్ సూపర్ హిట్లను అందించాడు. ఇప్పుడు ఇది హ్యాట్రిక్ కాంబినేషన్ కావడం విశేషం. అసలు విషయంలోకి వెళితే.. ‘అజ్ఞాతవాసి’ చిత్రం కూడా పవన్ – త్రివిక్రమ్ లకి హ్యాట్రిక్ కాంబినేషన్. అయినప్పటికీ ఆ చిత్రం డిజాస్టర్ గా మిగిలింది. పవన్ కి “జల్సా” లాంటి హిట్.. “అత్తారింటికి దారేది” లాంటి ఇండస్ట్రీ హిట్ ఇచ్చిన త్రివిక్రమ్ ‘అజ్ఞాతవాసి’ తో ఘోరమైన డిజాస్టర్ ఇచ్చాడు. పవన్ తో మ్యాజిక్ రిపీట్ చేయలేకపోయిన త్రివిక్రమ్… బన్నీకి అందించగలడా..? అనేది చర్చనీయాంశం అయ్యింది. మరి పవన్ వల్ల కానిది… అల్లు అర్జున్ వల్ల అవుతుందా.. అంటూ ఫిలింనగర్ విశ్లేషకులు అనుమానం వ్యక్తం చేస్తున్నారు.
Home