‘స్వాతిముత్యం’ అంటూ మంగళవారం ఓ సినిమా పోస్టర్ విడుదలైంది చూశారా? అందులో ఏమైనా కొత్తగా అనిపించిందా? ఏముంది హీరో కొత్త కుర్రాడు. బెల్లంకొండ సురేశ్ చిన్నకొడుకు. ఈ సినిమాతోనే ఇండస్ట్రీకి పరిచయం అవుతున్నాడు అంతేగా అంటారా. ఆగండాగండి ఆ లాస్ట్ వాక్యమే ఇక్కడ విషయమే. ఎందుకంటే బెల్లంకొండ గణేష్కు నిజానికి ఇది రెండో సినిమా. కొత్త పోస్టర్లో ఆ ట్యాగ్లైన్ వచ్చేసరికి… చిన్న కన్ఫ్యూజ్ మొదలైంది. బెల్లంకొండ గణేష్ సినిమాల్లోకి వస్తాడని చాలా రోజుల నుండి వార్తలొచ్చాయి.
అందుకుతగ్గట్టే… గతేడాది ఆఖరులో ఆ సినిమా పట్టాలెక్కింది. ‘ప్రేమ ఇష్క్ కాదల్’, ‘సావిత్రి’ దర్శకుడు పవన్ సాదినేని దర్శకత్వంలో , లక్కీ మీడియా బెక్కెం వేణు గోపాల్ మొదలుపెట్టారు. అప్పుడే సినిమా ఫస్ట్ లుక్ కూడా లాంచ్ చేశారు. అంతేకాదు కరోనా రెండో వేవ్ కంటే ముందే సగం సినిమా పూర్తయిందట. కానీ ఆ తర్వాత అప్డేట్ లేదు. తాజాగా ‘స్వాతిముత్యం’ అంటూ కొత్త పోస్టర్ వచ్చింది. బెల్లంకొండ గణేష్కి ఇదే తొలి సినిమా అని కూడా అంటున్నారు.
అంటే ఇప్పుడు పవన్ సాదినేని సినిమా ఆగిపోయినట్లా… లేక రెండో సినిమా వస్తున్నట్లా అనేది తెలియాల్సి ఉంది. మరోవైపు ‘నాంది’ మేకర్స్ నిర్మాణంలో గణేష్ నటిస్తున్న మరో సినిమా ఫస్ట్ లుక్ కూడా లాంచ్ చేశారు. దీంతో రెండో సినిమా ఏది అనేది తెలియాల్సి ఉంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
