మెగాస్టార్ చిరంజీవి (Chiranjeevi) తన సినీ కెరీర్ లో ఎన్నో బ్లాక్ బస్టర్ హిట్లను అందుకున్న సంగతి తెలిసిందే. ప్రస్తుతం నిదానంగా సినిమాలలో నటిస్తున్న చిరంజీవి 2025 సంక్రాంతి పండుగ కానుకగా విశ్వంభర (Vishwambhara) సినిమాతో ప్రేక్షకుల ముందుకు రానున్నారు. మల్లిడి వశిష్ట (Mallidi Vasishta) డైరెక్షన్ లో విజువల్ వండర్ గా తెరకెక్కుతున్న ఈ సినిమాపై అంచనాలు అంతకంతకూ పెరుగుతుండటం గమనార్హం. యూవీ క్రియేషన్స్ బ్యానర్ లో 200 కోట్ల రూపాయల అత్యంత భారీ బడ్జెట్ తో తెరకెక్కుతున్న ఈ సినిమా మెగాస్టార్ చిరంజీవికి మరో బ్లాక్ బస్టర్ హిట్ ను అందించడం పక్కా అని కామెంట్లు వినిపిస్తున్నాయి.
మరోవైపు చిరంజీవి పుట్టినరోజు కానుకగా కొత్త ప్రాజెక్ట్ లకు సంబంధించిన ప్రకటనలు వెలువడతాయని అభిమానులు భావించగా అందుకు భిన్నంగా జరిగింది. ఇప్పటికే పలువురు ప్రముఖ దర్శకులు చిరంజీవికి కథలు చెప్పినా చిరంజీవి మాత్రం కొత్త ప్రాజెక్ట్ లను ప్రకటించలేదు. జైలర్ లో (Jailer) రజనీ (Rajinikanth) పోషించిన తరహా పాత్రలు కావాలని చిరంజీవి పలువురు రచయితలకు సూచించినట్టు తెలుస్తోంది.
భోళా శంకర్ (Bhola Shankar) రిజల్ట్ చిరంజీవిని మార్చేసిందని రొటీన్ మాస్ మసాలా సినిమాలకు చిరంజీవి దూరంగా ఉండనున్నారని సమాచారం అందుతోంది. చిరంజీవికి ప్రముఖ రచయిత బీవీఎస్ రవి (BVS Ravi) చెప్పిన కథ నచ్చిందని అయితే ఆ కథకు డైరెక్టర్ ఫైనల్ అవ్వాల్సి ఉందని తెలుస్తోంది. మెగాస్టార్ చిరంజీవి బ్యాక్ టు బ్యాక్ ప్రాజెక్ట్ లతో బిజీ కావాలని భవిష్యత్తు ప్రాజెక్ట్ లతో చిరంజీవికి భారీ హిట్లు దక్కాలని ఫ్యాన్స్ కోరుకుంటున్నారు.
చిరంజీవి వయస్సుకు తగిన పాత్రలను ఎంచుకుంటే ఆయన ఖాతాలో భారీ బ్లాక్ బస్టర్ హిట్లు చేరడం పక్కా అని చెప్పవచ్చు. మెగాస్టార్ చిరంజీవితో సినిమాలను నిర్మించడానికి ప్రముఖ నిర్మాతలు తెగ ఆసక్తి చూపిస్తున్నారు. చిరంజీవిని అభిమానించే ఫ్యాన్స్ సంఖ్య పెరుగుతోందే తప్ప తగ్గడం లేదు.
Home