టాలీవుడ్ లో పవన్ కల్యాణ్ అంటేనే ఒక ప్రభంజనం. ఆయన పేరు చెబితే అభిమానంతో ఊగిపోయే గుండెలు ఎన్నో ఉన్నాయి. ఆయన కోసం పరీతపించే హృైదయాలు చాలానే ఉన్నాయి. అయితే అలాంటి పవర్ స్టార్ పవన్ కల్యాణ్ తన రాజకీయ అరంగేట్రం సమయంలో ఒక పుస్తకం రాసుకున్నాడు. ఆ పుస్తకం పేరే “ఇజం”. ఒక రకంగా చెప్పాలి అంటే పవన్ ఫ్యాన్స్ పవన్ ను ఆరాధించే క్రమంలో పవనిజమ్ అనే పదాన్ని వాడతారు…ఒకరకంగా దానని వారు హక్కుగా భావిస్తారు.
అలాంటి పవనిజమ్ లోని “ఇజం” ను కల్యాణ్ తన సినిమా టైటిల్ గా పెట్టుకుని చాలా సాహసమే చేస్తున్నాడు అన్న టాక్స్ బలంగా వినిపిస్తున్నాయి. విషయం ఏమిటంటే….నందమూరి కల్యాణ్ రామ్ హీరోగా ప్రముఖ దర్శకుడు పూరీ జగన్నాధ్ తెరకెక్కిస్తున్న సినిమా టైటిల్, ఫర్స్ట్ లుక్ కలపి కల్యాణ్ రామ్ బర్త్‌డే సంధర్భంగా విడుదల చేశారు. ఈ సినిమా టైటిల్ ను “ఇజం” అని పెడుతున్నట్లు ఎక్కడా బయటకు రాకుండా చాల్ జాగ్రత్త పడ్డారు కల్యాణ్ రామ్, పూరీ.
మొన్నటిదాకా రీమిక్స్ అనే టైటిల్ పెడుతున్నారని హడావిడి చేసి రెండు రోజుల నుండి రిపోర్టర్ బాలకృష్ణ అంటూ హల్ చల్ చేసిన ఈ సినిమా టైటిల్ ఇప్పుడు “ఇజం” అంటూ సరికొత్త మలుపు తీసుకుకోవడంతో ఈ సినిమాపై అంచనాలు మరింత పెరిగాయి అనే చెప్పాలి. ఇక పూరీ దర్శకత్వం గురించి చెప్పనవసరం లేదు. పూరీ మనసు పెట్టి తీస్తే రికార్డుల మోత మోగాల్సిందే. చూద్దాం మరి ఈ సినిమా కల్యాణ్ రామ్ కు ఎలాంటి హిట్ ను అందిస్తుందో.
