ఇండస్ట్రీలో హిట్లు, హిట్లు ఇచ్చిన మురుగదాస్‌… ఇప్పుడు కొత్త సినిమా కథను హీరోలకు చెప్పే పనిలో బిజీగా ఉన్నారు. చాలామంది కథలు వింటున్నారు, కానీ ఏ సినిమా కూడా పట్టాలెక్కడం లేదు. ఈ వరుసలో కోలీవుడ్‌, టాలీవుడ్‌ హీరోలు కూడా ఉన్నారు. అయితే ఆ కథ అతను గతంలో చేసిన ఓ హిట్‌ సినిమాకు సీక్వెల్‌ అని, దాని తొలి పార్ట్‌ చేసిన హీరోనే రిజెక్ట్‌ చేశాడని సమాచారం. అయితే ఇప్పుడా కథ కమల్‌ హాసన్‌ దగ్గరకు వెళ్లిందట. ఇప్పుడు కమల్‌ ఆ సినిమా చేస్తారా? లేదా అనేదే ఇక్కడ ప్రశ్న.
విజయ – మరుగదాస్‌ కాంబినేషన్‌లో ఇప్పటివరకు మూడు సినిమాలు వచ్చాయి. మూడుకు మూడు మంచి విజయం అందుకున్నాయి. ఈ క్రమంలో ఈ ఇద్దరూ నాలుగో సినిమా కోసం కలసి పని చేస్తారని అఫీషియల్‌ అనౌన్స్‌మెంట్‌ వచ్చింది. అది ‘తుపాకీ’ సినిమాకు సీక్వెల్‌ అని కూడా పుకార్లు వచ్చాయి. అయితే ఏమైందో ఏమో తెలియదు కానీ ఆ సినిమా ఇంకా పట్టాలెక్కలేదు. విజయ్‌.. నెల్సన్‌ దిలీప్‌ కుమార్‌ అనే మరో దర్శకుడితో సినిమా ఓకే చేశాడు. దీంతో మురుగదాస్‌ బయటికొచ్చేశారట.
సిద్ధం చేసుకున్న ఆ కథతో మురుగదాస్‌ కోలీవుడ్‌, టాలీవుడ్‌ తిరిగారు. అల్లు అర్జున్‌, రామ్‌కు ఈ కథ వినిపించారట. కానీ వాళ్ల నుండి సానుకూల స్పందన రాలేదు. దీంతో మళ్లీ మురుగదాస్‌ తమిళ పరిశ్రమ హీరోలను కాంటాక్ట్‌ చేస్తున్నారు. ఈ క్రమంలో కమల్‌ హాసన్‌కు కథ వినిపించారని తెలుస్తోంది. అది ‘తుపాకి’కి సీక్వెల్‌ అని అంటున్నారు. మరి దీనికి కమల్‌ ఓకే చెప్పారా, కథ ఏంటి అనేది తెలియాల్సి ఉంది. విజయ్‌ చేసిన సినిమా సీక్వెల్‌ కమల్‌ చేయడం అంటే… కాస్త ఇంట్రెస్టింగే.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
