అనుష్క సన్నబడుతోంది.. త్వరలో పాత అనుష్కను చూస్తాం అంటూ గత కొన్ని రోజులుగా వార్తలొస్తున్నాయి. నవీన్‌ పొలిశెట్టితో మహేష్‌బాబు.పి తీస్తున్న సినిమా కోసమే ఈ మార్పు అని కూడా చెబుతున్నారు. ఇది ఓ లెన్స్‌లో కనిపిస్తున్న అంశం. ఇప్పుడు రెండోది చూద్దాం. మారుతి దర్శకత్వంలో ప్రభాస్ ఓ సినిమా చేయాల్సి ఉంది. అయితే వివిధ కారణాల వల్ల ఈ సినిమా ఇంకా ప్రకటించలేదు. అయితే పనులు మాత్రం జరుగుతున్నాయి.
నిజానికి ఈ రెండూ వేర్వేరుగా కనిపిస్తున్నా ఈ రెండింటి వెనుక ఓ కామన్‌ పాయింట్‌ ఉంది అంటున్నారు. వరుసగా పాన్‌ ఇండియా సినిమాలు చేస్తూ వస్తున్న ప్రభాస్.. చిన్న ఛేంజ్‌ కోసం మారుతితో ఎంటర్‌టైన్మెంట్‌ ప్రధానంగా ఓ సినిమా చేద్దాం అనుకున్నారు. హారర్‌ కామెడీ జోనర్‌లో ఈ సినిమా తెరెక్కుతుందని చెబుతున్నారు. ఈ సినిమాకు ‘రాజా డీలక్స్‌’ అనే పేరు కూడా పెట్టారు అని అన్నారు. ఇందులో ముగ్గురు హీరోయిన్లు ఉంటారని కూడా చెప్పారు.
అయితే ఇదంతా సమాచారమే. ఎక్కడా అధికారికం కాదు. ఇంత రెడీ అయినా లేటెందుకు అంటే మాత్రం హీరోయిన్‌ కోసమే అంటున్నారు. అవును, మారుతి సినిమాలో ప్రభాస్ సరసన ఓ హీరోయిన్‌గా అనుష్కను తీసుకోవాలని ఎప్పటి నుండో అనుకుంటున్నారట. అయితే ఇప్పుడు అనుష్క ఉన్న ఫిజిక్‌తో ప్రభాస్ పక్కన సినిమా అంటే ఫ్యాన్స్‌ భయపడుతున్నారు. ఎందుకంటే ‘సైజ్‌ జీరో’ సినిమా కోసం లావెక్కిన అనుష్క అలానే ఉండిపోయింది. ఆ మధ్య కాస్త తగ్గినట్లు కనిపించినా..
అప్పటి సుకుమారం కనిపించడం లేదు. దీంతో ఆమెను తిరిగి పూర్వపు ‘ఫామ్‌’లోకి రమ్మన్నారట. ఆమె తిరిగి ఫిట్‌ అయ్యేంతవరకు సినిమా స్టార్ట్‌ అనౌన్స్‌ చేయరు అని టాక్‌. అంటే ఓవైపు ప్రభాస్‌తో మరోవైపు నవీన్‌ పొలిశెట్టితో ఒకేసారి సినిమా చేయబోతోంది అనుష్క. కుర్ర హీరో, స్టార్ హీరో పక్కన ఒకేసారి అంటే అనుష్క ఫ్యాన్స్‌కి పండగే అని చెప్పాలి. సో వెయిట్‌ చేయడంతో తప్పులేదు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home