టాలీవుడ్ టాప్ హీరోస్ లో ఒకడైన జూనియర్ ఎన్టీఆర్…ప్రస్తుతం హ్యాట్రిక్ సక్సెస్ ను ఎంజాయ్ చేస్తున్నాడు…దాదాపుగా ఎన్నో ఎదురు దెబ్బలు తిన్న యంగ్ టైగర్ “టెంపర్-నాన్నకు ప్రేమతో-జనతా గ్యారేజ్” సినిమాలతో సూపర్ సక్సెస్ కొట్టి తన బ్రాండ్ ఇమేజ్ ను భారీగా పెంచుకున్నాడు. అదే క్రమంలో తన తరువాత సినిమాల కోసం పక్కా ప్లాన్ తో ముందు వెళ్ళాలి అని ఆలోచనలో పడ్డాడు తారక్. అయితే అదే క్రమంలో ఎన్టీఆర్ కు ఇప్పటికీ తమిళ దర్శకుడు లింగు స్వామి, అనిల్ రావిపూడి, పూరీ జగన్నాధ్ లు కధ చెప్పి ఎన్టీఆర్ సమాధానం కోసం ఎదురు చూస్తున్నారు.
అయితే ఎన్టీఆర్ మాత్రం తాను తరువాత సినిమా ఎవరితో చెయ్యాలో అన్న ఆలోచనలో ఉన్నాడు. ఐతే ఎన్టీఆర్ సన్నిహితులు, స్నేహితుల నుంచి వస్తున్న వివరాలు ప్రకారం…ఎన్టీఆర్ ట్యాలెంటెడ్ డైరెక్టర్ త్రివిక్రమ్ తో సినిమా చేస్తే బావుంటుంది అని తెలుస్తుంది.అయితే వీళ్ళిద్దరినీ కలపాలంటే మధ్య ఒక రాయభారి చాలా అవసరం…మరి వీరిని కలిపే రాయభారి ఎవరు అవుతారో చూడాలి. గతంలో కూడా…‘నాన్నకు ప్రేమతో’ సినిమా షూటింగ్ కోసం జూనియర్ లండన్ లో ఉన్నప్పుడు దర్శకుడు కొరటాల శివను తనతో సినిమా చేయడానికి ఒప్పించడానికి సరైన మధ్యవర్తి కోసం అన్వేషించి ఇక ఎవరూ దొరక పోవడంతో తానే స్వయంగా హడావిడిగా లండన్ నుండి ప్రత్యేకంగా వచ్చి కొరటాల శివతో మాట్లాడి ‘జనతా గ్యారేజ్’ మూవీని ఖాయం చేసుకున్నాడు అన్న టాక్ ఇండస్ట్రీలో ఉంది.
మరి ఇప్పుడు కూడా ఎన్టీఆర్ ఒక మెట్టు దిగి త్రివిక్రమ్ ను కలిస్తే త్రివిక్రమ్ ఒప్పుకుంటాడా? ఎన్టీఆర్ తో సినిమాకి ఒకే చెప్తాడా అన్న సందేహం సైతం ఉండడంతో ఎన్టీఆర్ ఇప్పటికీ కధ చెప్పిన ముగ్గురిలో ఎవరికో ఒకరికి అవకాశం ఇవ్వాలా? లేక కష్టం అయినా..నష్టం అయినా…త్రివిక్రమ్ ను ఆశ్రయించాలా అన్న సందిగ్ధంలో ఉన్నట్లు తెలుస్తుంది. అసలే పవన్ భక్తుడిలా మారిపోయిన త్రివిక్రమ్ తో కన్నా…ఎన్టీఆర్ ఆ ముగ్గురిలో ఒకరితో సినిమా చేస్తే బెట్టర్ అంటున్నారు అభిమానులు….చూద్దాం ఎన్టీఆర్ ఏం చేస్తాడో.
