పవన్ కల్యాణ్ (Pawan-Kalyan) – సుజీత్‌ (Sujeeth) కాంబినేషన్‌లో డీవీవీ ఎంటర్‌టైన్మెంట్స్‌ తెరకెక్కిస్తున్న చిత్రం ‘ఓజీ’ (OG Movie). ఈ సినిమా గురించి ఏ చిన్న వార్త వచ్చినా… అది అదిరిపోయే బజ్‌ను తీసుకొస్తోంది. ఈ సినిమాకు సంబంధించి ఇప్పటికే చాలా వార్తలు వచ్చినా… ఇప్పుడు వచ్చిన పుకారు మాత్రం సినిమా మొత్తాన్ని మార్చేలా ఉంది అని అంటున్నారు. వాటి ప్రకారం చూస్తే… ఈ సినిమా ఒక్క పార్టుగానే వస్తుందా? లేక రెండు పార్టులు వస్తాయా? అనే డౌట్‌ వస్తోంది. దానికి కారణం కథ స్పాన్‌ అని అంటున్నారు.
ఈ సినిమాకు సంబంధించి సినిమా టీమ్‌ ఎన్ని వివరాలు బయటకు చెబుతుందనే విషయం పక్కనపెడితే… మ్యూజిక్‌ డైరెక్టర్ థమన్‌ మాత్రం చాలా అప్‌డేట్స్‌ ఇస్తున్నారు. తాజాగా ఆయన ఎక్స్ (మాజీ ట్విటర్‌)లో ఆసక్తికర పోస్టు పెట్టారు. ఈ సినిమాకు సంబంధించిన ఆసక్తికర పోస్టర్‌ను రిలీజ్ చేశారు. అది చూస్తే ఫ్యాన్స్‌ గూస్‌ బంప్స్‌ గ్యారెంటీ అని చెబుతున్నారు. పోస్టర్‌ ప్రకారం అయితే ఈ సినిమాలో పవన్ కల్యాణ్ ముంబయి వీధుల్లో కత్తి పట్టి ప్రత్యర్థులను తెగనరుకుతున్నాడు. ఆయనపై అంతా రక్తపు మరకలే.
ఇక లేటెస్ట్‌ పుకార్ల ప్రకారం అయితే పవన్ ముంబయిలో మాఫియా డాన్‌ తరహా పాత్రలో కనిపిస్తాడట. ఈ సినిమాలో మూడు వెరీయేషన్స్ ఉంటాయట. అంటే మూడు టైం లైన్స్‌లో పవన్ కనిపిస్తాడని అంటున్నారు. యంగ్ వెర్షన్, మిడ్ ఏజ్, ఆ తర్వాత ఏజ్ లుక్‌లో కనిపిస్తాడట. మూడు పాత్రలకూ మూడు వేర్వేరు రకాల క్యారెక్టరైజేషన్స్‌ ఉంటాయి అని అంటున్నారు. ఓ సందర్భంలో యూనియన్ లీడర్‌గా కనిపిస్తే… ఆ తర్వాత పొలిటీషియన్‌లా కనిపిస్తాడట.
ఇక ఈ సినిమాను (OG Movie) పాన్ ఇండియా లెవెల్లో సెప్టెంబర్ 27న రిలీజ్ చేస్తామని ప్రకటించారు. ఆంధ్రప్రదేశ్‌లో ఎన్నికల హడావుడి అయిపోయాక సినిమాలకు తిరిగొచ్చేస్తాడు. అందుకనే సినిమా రిలీజ్ డేట్‌ను ఇచ్చేశారట. ఇదంతా ఓకే కానీ… ఇంత పెద్ద కథని ఒక్క పార్టులా చూపిస్తారా? లేక రెండు పార్టులు చేస్తారా అనేది ఆసక్తికరంగా మారింది.
రజాకర్ సినిమా రివ్యూ & రేటింగ్!
లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!
