తమిళ తలైవార్ ఎప్పుడెప్పుడు రాజకీయాల్లోకి వస్తాడా అని ఎదురు చూస్తున్నారు ఆయన అభిమానులు. అయితే ఆయన మాత్రం వస్తాను అని పూర్తిగా చెప్పకుండా, రాలేను అని క్లారిటీ ఇవ్వకుండా వ్యవహరిస్తూ ఉంటాడు. అయితే మీకు గుర్తు ఉందో లేదో కానీ, అరుణాచలం సినిమాలో ఒక డైలాగ్ ఉంది, మన తలైవార్ చెప్తాడు “దేవుడు శాసించాడు నేను పాటిస్తాను” అని ఇప్పుడు అదే డైలాగ్ ను గుర్తు చేస్తూ మాట్లాడుతున్నాడు మన రజనికాంత్. విషయం ఏమిటి అంటే రజనికి ఫ్యాన్స్ అంటే ప్రాణం అని ప్రత్యేకంగా చెప్పాల్సిన పనిలేదు. అయితే దాదాపుగా ఎనిమిది ఏళ్ల తరువాత రజనీకాంత్ తన ఫ్యాన్స్ ను మళ్లీ కలుసుకున్నాడు. నిన్న రజినికాంత్ తో ఫ్యాన్స్ మీట్ చెన్నైలో చాలా గ్రాండ్ గా జరిగింది. ఈ ప్రోగ్రామ్ లో మాట్లాడిన రజనికాంత్, చాలా విషయాల గురించి చర్చిస్తూ, తాను రాజకీయాల్లోకి వస్తే ఎవ్వరికీ సపోర్ట్ ఇవ్వడం లాంటివి చేయనని చెబుతూ రజిని డైరెక్ట్ గా తను కూడా ఓ సొంత పార్టీ పెట్టే ఆలోచనలో ఉన్నట్టు సంకేతాలను ఫ్యాన్స్ కు పంపించాడు.
అదే క్రమంలో రజని మాట్లాడుతూ, డబ్బు మదం ఉన్న వారికి తను చాలా దూరంగా ఉంటానని, ఒకవేళ తాను పాలిటిక్స్ లోకి వస్తే అలాంటి వారిని టార్గెట్ చేస్తానని చెప్పాడు. ఇక సినిమాల గురించి వస్తే తాను తీయబోయే మాఫియా డాన్ సినిమా హాజి మస్తాన్ కథ అని అంటున్నారని దానికి వివరణ ఇచ్చుకున్నారు రజినికాంత్. ఇక హిట్టొచ్చినా ఫ్లాపొచ్చినా తన వెంటే ఉండి తనతో ప్రయాణం చేస్తున్న అభిమానులకు ఎప్పుడు ఋణపడి ఉంటానని రజిని ఫ్యాన్స్ ను ఉద్దేశించి మాట్లాడారు. అయితే అసలే చెన్నై పొలిటికల్ మ్యాటర్స్ చాలా కన్ఫ్యూషన్ లో ఉండగా, ఇదే సరైన సమయం అనుకుంటున్నాడో ఏమో కానీ, మొత్తానికి తలైవార్ ఏదో పక్కా పొలిటికల్ ప్లాన్ తో సిద్దం అవుతున్నట్లు తమిళ తంబీలు చెబుతున్న మాట. చూద్దాం మరి ఏం జరుగుతుందో.
Also, do SUBSCRIBE to our YouTube channel to get latest Tollywood updates.
