Rajinikanth: ‘కన్నప్ప’ సినిమాలో స్టార్స్‌… ఆయన ఎందుకు మిస్‌ అయ్యారు?

మంచు విష్ణు, మంచు మోహన్‌బాబు ఎన్నో ఏళ్లుగా చెబుతున్న సినిమా ‘భక్త కన్నప్ప’. ఈ కథను విష్ణు హీరోగా తెరకెక్కిస్తారని చాలా ఏళ్ల నుండి వార్తలొస్తున్నాయి. మంచు హీరోలు ఎప్పుడు మీడియా ముందుకు వచ్చినా ఈ సినిమా గురించి అడిగేవారు. తాజాగా ఆ సినిమా పట్టాలెక్కింది. విష్ణు తన డ్రీమ్ ప్రాజెక్ట్‌ ‘కన్నప్ప’ సినిమాను శ్రీకాళహస్తి పుణ్యక్షేత్రంలో ప్రారంభించారు. మొత్తం షూటింగ్‌ను న్యూజిలాండ్‌లో చేస్తున్నారు. ఈ సినిమా గురించి లేటెస్ట్‌గా ఓ పుకారు బయటకు వచ్చింది.

‘కన్నప్ప’ సినిమాను భారీ స్థాయిలో తెరకెక్కిస్తామని ముందు చెప్పేశారు. బడ్జెట్ విషయంలో పరిమితులు పెట్టుకోవడం లేదని చెప్పేశారు. అలాగే కాస్ట్‌ అండ్‌ క్రూ విషయంలోనూ భారీతనం చూపిస్తున్నారు. ఇప్పటికే ఈ సినిమాలో ప్రభాస్, నయనతార రెండు కీలక పాత్రల్లో నటిస్తారని వార్తలొచ్చాయి. వీటిపై అధికారికంగా ‘ఉ’ అనకపోయినా… ‘నో’ అనైతే విష్ణు అనలేదు. వీళ్లు కాకుండా మంచు వారి కుటుంబంతో స్నేహం ఉన్న నటులు అంతా ఈ సినిమాలో నటిస్తున్నారు.

శివుడిగా ప్రభాస్‌ నటిస్తుండగా, నయనతార పార్వతి పాత్రలో కనిపించనుంది. ఇక మలయాళీ మెగాస్టార్ మోహన్ లాల్ కూడా ఈ సినిమాలో నటిస్తున్నాడు. అలాగే కన్నడ సూపర్ స్టార్ శివరాజ్ కుమార్ కూడా ఓ కీలకపాత్రలో కనిపించనున్నారు. మలయాళ, కన్నడ పరిశ్రమలను ఇలా కవర్‌ చేయగా… తమిళ సీమ నుండి రజనీకాంత్‌ నటిస్తారేమో అనుకున్నారంతా. ఈ మేరకు వారి మధ్య డిస్కషన్స్‌ కూడా జరిగాయి అని టాక్‌ వచ్చింది. కానీ శరత్‌ కుమార్‌ వచ్చారు.

దీంతో ‘కన్నప్ప’ సినిమాలో నటించడానికి  (Rajinikanth) రజనీకాంత్‌ ఏమన్నా నో చెప్పారా? అనే ప్రశ్న ఒకటి సోషల్‌ మీడియాలో కనిపిస్తోంది. నో అనడం అయితే కరెక్ట్‌ కానీ… సినిమా ప్రచారంలో తాను ఎప్పుడూ ముందుంటానని రజనీ మాటిచ్చినట్లు చెబుతున్నారు. అలాగే బాలీవుడ్‌ నుండి అక్షయ్‌ కుమార్‌ను ఈ సినిమాలో భాగం చేయాలని చూస్తున్నారట. త్వరలోనే దీనిపై క్లారిటీ వస్తుందని చెబుతున్నారు. అలా మొత్తం అన్ని పరిశ్రమల వారిని ఈ సినిమాలో భాగం చేద్దాం అనుకుంటున్నారట.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!