Sai Tej,Regina: సాయితేజ్‌ పెళ్లి రూమర్లు… ఎప్పుడో ఆగిపోయిన డిస్కషన్‌ మళ్లీ!

సాయిధరమ్‌ తేజ్‌ పెళ్లెప్పుడు? ఈ ప్రశ్న ఇప్పటిది కాదు. ఎన్నో ఏళ్లుగా వినిపిస్తూ వస్తోంది. అలాగే సాయితేజ్‌కు (Sai Dharam Tej) రెజీనాకు (Regina Cassandra) మధ్య ఉన్న అనుబంధం ఏంటి? ఈ ప్రశ్న కూడా ఇప్పటిది కాదు. చాలా ఏళ్ల క్రితమే దీని గురించి చర్చ జరిగింది. ఇదిగో లవ్‌, అదిగో పెళ్లి అంటూ చర్చలు రోజుల తరబడి సాగాయి. అయినా ఈ విషయాలు ఇప్పుడు ఎందుకు అని అంటారా. మీరు చెప్పింది కరెక్టే.. పాత విషయమే కానీ… ఎందుకో కానీ ఇప్పుడు మళ్లీ చర్చకు వచ్చాయి.

ప్రస్తుతం సినిమా ఇండస్ట్రీలో యువ హీరోయిన్లు వరుసగా పీటలెక్కుతున్నారు. గత ఏడాదిలో మొదలైన ఈ హడావుడి ఈ సంవత్సరంలో కూడా కొనసాగుతోంది. రకుల్ ప్రీత్ సింగ్ (Rakul Preet Singh) , తాప్సి (Taapsee) , కృతి కర్బందా (Kriti Kharbanda), లావణ్య త్రిపాఠి (Lavanya Tripathi)… అంటూ కొంతమంది ఇప్పటికే పేళ్లిచేసుకోగా, వరలక్ష్మి శరత్ కుమార్ (Varalaxmi Sarathkumar) నిశ్చితార్థం చేసుకుని పెళ్లికి రెడీగా ఉది. ఈ క్రమంలోనే టాలీవుడ్‌లో మరో హీరోయిన్‌ పెళ్లికి రెడీ అవుతోంది అని అంటున్నారు. అన్నీ అనుకున్నట్లు జరిగితే రెజీనా కసాండ్ర పెళ్లి త్వరలో ఉండొచ్చట.

పెళ్లి కొడుకు ఎవరు అనేగా… పైన చెప్పిన సాయితేజే. అవును సోషల్‌ మీడియాలో ఈ విషయంలోనే చర్చ జరుగుతోంది. ఇద్దరూ కలసి నటించినప్పుడు మధ్య ఏర్పడిన స్నేహం.. ప్రేమగా మారిందని, ఇన్నేళ్లు ఆ విషయంలో క్లారిటీ ఇవ్వకపోయినా అంతర్లీనంగా వాళ్ల ప్రేమ పెరుగుతూ వచ్చింది అని అంటున్నారు. వరుణ్‌తేజ్‌ (Varun Tej) – లావణ్య త్రిపాఠి తరహాలోనే ఈ ఇద్దరూ పెళ్లి ముచ్చట చెప్పేస్తారు అని అంటున్నారు.

‘పిల్లా నువ్వు లేని జీవితం’ (Pilla Nuvvu Leni Jeevitam) సినిమాతో సాయితేజ్‌ – రెజీనా తొలిసారి కలసి నటించారు. ఆ తర్వాత ‘సుబ్రహ్మణ్యం ఫర్ సేల్’ (Subramanyam for Sale) , ‘నక్షత్రం’ (Nakshatram) సినిమాలు చేశారు. ఆ తర్వాత మళ్లీ ఎప్పుడూ కలసి నటించలేదు. మరోవైపు రెజీనా సినిమాలు తగ్గిపోయాయి. ఈ నేపథ్యంలో పెళ్లితో ఈ జోడీ ఒకటవుతుంది అని అంటున్నారు. మరి ఇందులో నిజానిజాలెంతో చూడాలి.