Sujeeth: ‘ఓజీ’కి ‘సాహో’కి సంబంధం ఉందా? ఇదిగో క్లారిటీ..

September 5, 2023 / 05:22 PM ISTByFilmy Focus

Join Us

Sujeeth: ‘ఓజీ’కి ‘సాహో’కి సంబంధం ఉందా? ఇదిగో క్లారిటీ..

భారతీయ సినిమా పరిశ్రమలో లేటెస్ట్‌ ట్రెండ్‌ అండ్‌ హాటెస్ట్‌ ట్రెండ్‌… సినిమాటిక్‌ యూనివర్స్‌. ఇండియన్‌ సినిమాలో ఇప్పటికే ఇలాంటి ఓ కాన్సెప్ట్‌ ఉన్నా… లోకేశ్‌ కనగరాజ్‌, ప్రశాంత్ నీల్‌, ప్రశాంత్‌ వర్మ లాంటి వాళ్ల సినిమాల తర్వాత ఆ చర్చ ఎక్కువైంది. ఇప్పుడు దీని గురించి చర్చ ఎందుకంటే… టాలీవుడ్‌లో మరో సినిమాటిక్‌ యూనివర్స్‌ సిద్ధమవుతోంది అని అంటున్నారు కాబట్టి. దీనికి కారణం ‘ఓజీ’ టీజర్‌లో కనిపించిన కొన్ని సన్నివేశాలు, డీటైల్సే. ‘ఓజీ’ టీజర్‌ను చూసిన కొందరు ఈ మేరకు సోషల్‌ మీడియాలో కామెంట్స్‌ చేస్తున్నారు.

పవన్ కల్యాణ్ కథానాయకుడిగా నటిస్తున్న చిత్రం ‘ఓజీ2. సుజీత్ దర్శకత్వం వహిస్తున్న ఈ సినిమా టీజర్‌ ప్రేక్షకులను ఆకట్టకుంది. పవన్‌ ఫ్యాన్స్‌కి అయితే పిచ్చపిచ్చగా నచ్చేసింది. లూప్‌లో పెట్టి మరీ చూసేస్తున్నారు. పవన్ లుక్, యాక్షన్ సన్నివేశాలు, సెటప్‌, డైలాగ్ డెలివరీ స్టైల్‌ ఇలా అన్నీ నచ్చేశాయి. అయితే సుజీత్ గత సినిమా ‘సాహో’ రిఫరెన్స్‌లో ఇందులో ఉన్నాయి అంటున్నారు. ఆ సినిమా అంతా వాజీ సిటీలో జరిగినట్లు చూపించారు. ఆ వాజీ సిటీకి, ముంబైలో ఒరిజినల్ గ్యాంగ్‌స్టర్‌కు సంబంధం ఉంటుందని సమాచారం.

ఆ లెక్కన ఈ సినిమా అంటే ‘ఓజీ’ సుజీత్ (Sujeeth) సినిమాటిక్ యూనివర్స్‌లో భాగం అని అంటున్నారు. ‘ఓజీ’ వీడియోలో ‘వాజీ ఇంపోర్ట్స్ & ఎక్స్పోర్ట్స్’ అనే బోర్డు చూపించారు. దాని ముందు ఫైట్ జరిగినట్లు హింట్ కూడా ఇచ్చారు. దీంతో సినిమాటిక్‌ యూనివర్స్‌ అంటూ లెక్కలు వేస్తున్నారు. అయితే కావాలనే అలా చూపించారా? లేక నిజంగానే ఎస్‌సీయూ ఉందా అనేది సినిమా రిలీజ్‌ దగ్గరపడితే కానీ తెలియదు. ఇక ఈ సినిమా ఇప్పటివరకు 60 శాతానికిపైగా చిత్రీకరణ పూర్తి చేసుకుందని భోగట్టా.

ఆ మధ్య వచ్చిన పుకార్ల ప్రకారం ఈ సినిమాను ఈ ఏడాది ఆఖరులో తీసుకొస్తారని అన్నారు. కానీ ఇప్పుడు చూస్తే అలాంటి సూచనలు ఏవీ కనిపించలేదు. సినిమా పోస్టర్‌ మీద, వీడియోలో ఎక్కడా ఆ దాఖలాలు లేవు. కాబట్టి ఆ విషయం తెలియాలంటే ఇంకాస్త సమయం పడుతుంది అని చెప్పొచ్చు.