అర్జున్ వ్యవహారశైలి నచ్చలేదని సినిమా నుండి తప్పుకున్నా అని విశ్వక్ సేన్ చెబుతున్నారు. అంతకుమందు అర్జున్ మీడియా ముందుకు వచ్చి విశ్వక్‌సేన్‌ వ్యవహారశైలి నచ్చకపోవడం వల్లే సినిమా నుండి తప్పుకోమని కోరాను అని చెప్పారు. ఇందులో ఏది నిజం, ఎవరిది నిజం అనేది మనం చెప్పలేం. అయితే టాలీవుడ్‌ వర్గాల్లో ఓ ఆసక్తికర చర్చ నడుస్తోంది. ఈ సినిమా విషయంలో ఇద్దరూ బయటకు చెప్పిన విషయం కంటే ఇంకొకటి ఉంది అని అంటున్నారు. దీంతో రెండు రోజులుగా సోషల్‌ మీడియాలో దీని గురించే చర్చ నడుస్తోంది.
పవన్‌ కల్యాణ్‌ క్లాప్‌తో అర్జున్ – ఐశ్వర్య అర్జున్ – విశ్వక్‌సేన్‌ సినిమా మొదలైంది. విశ్వక్‌సేన్‌ – అర్జున్ కాంబినేషన్‌ అసలు ఎలా కుదిరిందబ్బా అని ఇండస్ట్రీ వర్గాల్లో చిన్నపాటి చర్చ జరిగింది. ఎందుకంటే ఇద్దరి మధ్య గతంలో ఎలాంటి అనుబంధం లేదు. కలసి చేసిన సినిమాలూ లేవు. కానీ సినిమా వర్కవుట్‌ అయితే విశ్వక్‌సేన్‌ సుడి తిరిగినట్లే అనుకున్నారు. కట్‌ చేస్తే.. మొన్నీమధ్య అర్జున్ మీడియా ముందుకు వచ్చిన ‘విశ్వక్‌సేన్‌ అన్‌ప్రొఫెషనల్‌’ అంటూ విరుచుకుపడ్డాడు. మరోవైపు విశ్వక్ కూడా.. తాను చాలా ప్రొఫెషనల్‌ అంటూ కౌంటర్‌ ఇచ్చాడు.
ఇండస్ట్రీలో అర్జున్ మీద ఇలాంటి అపవాదులు గతంలో లేవు. విశ్వక్ విషయంలో అక్కడక్కడా ఇలాంటి ర్యాష్‌ ఆరోపణలు ఉండటం గమనార్హం. ఈ విషయం పక్కనపెడితే.. దీంతో అసలు ఏమై ఉండొచ్చు అంటూ చర్చ మొదలైంది. అయితే సినిమా వర్గాల సమాచారం ప్రకారం.. సినిమా కథ విషయంలోనే అంతా జరిగింది అంటున్నారు. అంటే ఈ సినిమా కథలో తొలుత అనుకున్నదాని కంటే హీరో పాత్ర లైట్‌ అయిపోయిందట. దీంతో విశ్వక్ కొన్ని మార్పులు చేశారు అంటున్నారు.
అర్జున్ తన కూతురిని తొలిసారి టాలీవుడ్‌కి తీసుకొస్తారు. కూతురు సినిమా అనేసరికి ఆయన రాసుకునే కథలో ఆమెకు ప్రయారిటీ ఎక్కువగా ఉంటుంది. ఈ క్రమంలో హీరో పాత్ర కంటే హీరోయినే ఎక్కువ ఎలివేట్‌ అవుతుంది. ఇక్కడే సమస్య వచ్చింది అంటున్నారు. ఈ క్రమంలో విశ్వక్ చెప్పిన మార్పులు, చేర్పులు అర్జున్ ఓకే చేయలేదట. ఈ విషయాన్ని ఇద్దరూ బయటకు చెప్పకుండా వేరే మాటలు చెప్పారు అని అంటున్నారు. అయితే ఈ విషయంలో అర్జున్, విశ్వక్ స్పందించాల్సి ఉంది.
Most Recommended Video
లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!
Home