నితిన్ తో ఆడుకొంటున్న త్రివిక్రమ్!

సాధారణంగా సినిమా సెట్స్ లో హీరోలు రకరకాల ప్రాంక్స్ ప్లే చేస్తూ హీరోయిన్స్ లేక టెక్నీషియన్స్ తో విపరీతంగా ఆడుకొంటుంటారు. కానీ.. “అ ఆ” సెట్స్ లో మాత్రం అందుకు విరుద్ధంగా.. దర్శకుడు త్రివిక్రమ్ హీరో నితిన్ తో ఆడుకొన్నాడట.

అసలు విషయం ఏంటంటే.. మన క్యూట్ స్టార్ నితిన్ పవర్ స్టార్ పవన్ కళ్యాణ్ కు వీరాభిమాని అన్న విషయం తెలిసిందే కదా. అందుకే ఆయన పేరుతో నితిన్ కు ఆటపట్టించాడట త్రివిక్రమ్. అదెలా అనుకొంటున్నారా..మొత్తం చదవండి మరి.  “అ ఆ” సెట్స్ లో బిజీగా ఉన్న నితిన్ ఫోన్ కు ఒక్ కాల్ వచ్చింది. మామూలు కాల్ అయితే లైట్ తీసుకొనేవాడేమో కానీ ఆ కాల్ వచ్చింది “పవర్ స్టార్ పవన్ కళ్యాణ్” నుంచి. సెల్ ఫోన్ డిస్ ప్లే పైన “పవన్ కళ్యాణ్” పేరు కనబడేసరికి నితిన్ కు కాళ్ళు చేతులూ ఆడలేదట. ఎంతో ఆత్రంగా పవన్ కళ్యాణ్ తో మాట్లాడదామని కాల్ లిఫ్ట్ చేసిన నితిన్ ఒక్కసారిగా నీరుగారిపోయాడు.

అక్కడ కాల్ చేసింది పవన్ కళ్యాణ్ కాదు, నితిన్ ను ఎడిపిద్దామని పవన్ ఫోన్ నుంచి త్రివిక్రమ్ కావాలని కాల్ చేశాడట. దాంతో.. తన బాస్ తనకు ఫోన్ చేశాడన్న ఆనందం రెండే నిమిషాలో నీరుగారిపోయిన్ హతాశుడయ్యాడట నితిన్!