టాలీవుడ్ స్టార్లు, రూమర్డ్ కపుల్ విజయ్ దేవరకొండ – రష్మిక మందన ఈ రోజు పెళ్లి చేసుకోబోతున్నారా? ఏమో సోషల్ మీడియాలో సందడి చూస్తుంటే ఇదే అనిపిస్తోంది. వీరిద్దరికీ ఎంగేజ్మెంట్ అయిందని, ఫిబ్రవరిలో పెళ్లి ఉంటుందని గత కొన్ని నెలలుగా వార్తలు వస్తున్నా ఎక్కడా అధికారిక సమాచారం రాలేదు. ఆఖరికి ఎంగేజ్మెంట్ సమాచారం కూడా లీకే. అయితే ఇప్పుడు సోషల్ మీడియాలో కొన్ని వీడియోలు వైరల్ అవుతున్నాయి. అందులో వాళ్లు చెబుతున్న దాని ప్రకారం అయితే ఆ ఏర్పాట్లు విజయ్ – రష్మిక పెళ్లి గురించే అని.
రాజస్థాన్లోని ఉదయపూర్ ప్యాలెస్ను ఇప్పుడు భారీ స్థాయిలో డెకరేట్ చేశారు. ఈ క్రమంలో ఎవరో చిత్రీకరించిన వీడియో ఒకటి వైరల్ అవుతోంది. ఈ వీడియోలో ఇద్దరమ్మాయిలు ప్యాలెస్ను భారీగా డెకరేట్ చేస్తున్నారని చూపించారు. ‘చూస్తుంటే ఇక్కడ ఏదో పెళ్లి వేడుక జరగబోతున్నట్లుంది. విజయ్ దేవరకొండ, రష్మిక మందన పెళ్లి జరగబోతున్నట్లుంది’ అని హింట్ ఇచ్చారు. అయితే కచ్చితంగా వారి పెళ్లి ఏర్పాట్లే అని మాత్రం చెప్పలేదు. అయితే ఈ వార్తల్లో నిజం లేదని నటుల సన్నిహిత వర్గాల సమాచారం.
గతేడాది అక్టోబర్ మూడో తేదీన హైదరాబాద్లో విజయ్ ఇంట్లో అత్యంత సన్నిహితుల సమక్షంలో విజయ్, రష్మిక నిశ్చితార్థం జరిగింది. అయితే ఇప్పటివరకు దీనిపై అటు రష్మిక కానీ, ఇటు విజయ్ కానీ రియాక్ట్ కాలేదు. ఆ తర్వాత ఓ సినిమా ప్రచారం కోసం బయటకు వచ్చిన రష్మికను ఇదే విషయం అడిగితే.. సమయం వచ్చినప్పడు అన్నీ చెబుతా అని అంది. అయితే విజయ్ దేవరకొండ, రష్మిక వేలికి రింగ్స్ ఫోటోలు వైరల్ అయ్యాయి.
ఆ సమయంలోనే వీరి పెళ్లి ఉదయపూర్ ప్యాలెస్లో జరుగుతుందని వార్తలొచ్చాయి. ఆమె కూడా అక్కడికి ఈ మద్య ఓ సారి వెళ్లింది. అయితే కొన్ని రోజుల క్రితమే వీరి పెళ్లి ఫిబ్రవరి 26న జరగొచ్చు అని లీకులొచ్చాయి. కానీ ఇప్పుడు ఏమైందో ఏమో ఈ రోజు పెళ్లి అని కొత్త పుకార్లు స్టార్ట్ అయ్యాయి. చూడాలి మరీ ఇద్దరూ కలిపి షాక్ ఇవ్వాలని అనుకున్నారేమో.
