దిల్ రాజు ప్రొడక్షన్‌ హౌస్‌ అంటే మిగిలిన వాటితో పోలిస్తే కొంచెం తేడా కనిపిస్తుంది. ఆయన సినిమాలు మొదలుపెట్టే విషయం, ప్రచారం, ఈవెంట్లు, ప్రచారం తర్వాతి కార్యక్రమాలు, దైవ దర్శనాలు.. ఇలా చాలానే ఉంటాయి. వాటిలో ఒకటి రెండు విషయాలు ఇప్పుడు చర్చకు వస్తున్నాయి. కారణం ఆయన నిర్మాణ సంస్థ నుండి సంక్రాంతికి రాబోతున్న సినిమా ‘వరిసు’ / ‘వారసుడు’ గురించే. ఈ సినిమా ప్రచారం కోసం విజయ్ తెలుగు రాష్ట్రాలకు వస్తాడా, తిరుపతి వెళ్తాడా అని లెక్కలేస్తున్నారు జనాలు.
దిల్ రాజు ప్రొడక్షన్‌ హౌస్‌లో ఏదైనా సినిమా విడుదలవుతోంది అంటే.. టీమ్‌ అందరితో కలసి ఆయన తిరుమల శ్రీవారి దర్శనానికి వెళ్తారు. మరి ఇప్పుడు ఈ సినిమా టీమ్‌ నుండి ఎవరెవరు తిరుపతి వెళ్తారు అనే చర్చ మొదలైంది. అలాగే ఈ సినిమా ప్రచారం కోసం టీమ్‌ ఎలాంటి ఆలోచనలు చేస్తుంది అనేది కూడా ఆసక్తికరంగా మారింది. ఇప్పటికే సంక్రాంతి బరిలో ఉన్న ‘వీర సింహా రెడ్డి’, ‘వాల్తేరు వీరయ్య’ పెద్ద ఎత్తున ప్రచారం చేస్తున్నారు. కానీ ‘వారసుడు’ ప్రచారం పెద్దగా లేదు. అయితే ‘వరిసు’ కోసం తమిళంలో ప్రచారం చేశారు.
దీంతో తెలుగు నాట కనీసం ట్రైలర్‌ రిలీజ్ ఈవెంట్‌ అయినా.. చేస్తారేమో అనుకుంటే అదేం లేకుండా వదిలేశారు. దీంతో అసలు విజయ్ హైదరాబాద్‌ వస్తాడా అనే మరో ప్రశ్న మొదలైంది. మామూలుగా అయితే విజయ్ తన సినిమాల డబ్బింగ్‌ చిత్రాల ప్రమోషన్లకు రాడు. అయితే దిల్ రాజు ఏమన్నా మాట్లాడి ఒప్పిస్తారేమో అనుకుంటున్నారు. కానీ ట్రైలర్‌ లాంచ్‌కే రాని విజయ్.. తర్వాత వస్తాడా అని అంటున్నారు. అయితే వీటి కోసం కాకపోయినా తెలుగు మీడియాకు ఇంటర్వ్యూలు ఇస్తాడు అని అంటున్నారు.
అయితే వాటిని కూడా రికార్డింగ్‌ చేసి ఫుటేజ్‌ పంపించే ప్రయత్నాలు జరుగుతున్నాయని టాక్‌. తెలుగు హీరోలు ఇంటర్వ్యూలు ఇచ్చాక అలా మళ్లీ రిలీజ్ చేస్తారు. ఏదో ‘ఆర్‌ఆర్‌ఆర్‌’ లాంటి వాటికి కుదిరాయి కానీ.. ఇప్పుడు ‘వారసుడు’కి కుదురుతుందా అంటే చెప్పలేం. చూడాలి మరి దిల్ రాజు ఎలా ఒప్పించి విజయ్‌ని ఇక్కడికి తీసుకొచ్చి సినిమాకు బజ్‌ పెంచుతారు అనేది.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
Home