సముద్ర తీరంలో సునామీ ఎప్పుడు వస్తుంది అనే విషయాన్నైనా గెస్ చేయచ్చేమో కానీ.. పూరీ జగన్నాధ్ అనే దర్శకుడు ఏ సినిమాతో హిట్ కొడతాడు, ఎంత పెద్ద హిట్ కొడతాడు అనే విషయాన్ని సినిమా రిలీజ్ వరకూ గెస్ చేయలేము. “టెంపర్” తర్వాత పూరీ జగన్నాధ్ కి సరైన హిట్ లేదనే విషయం నిజమే. అలాగని పూరీ పని అయిపోయిందనుకొంటే మాత్రం పొరపాటే. ఎందుకంటే.. పూరీ జగన్నాధ్ అనేవాడు అగ్ని పర్వతం లాంటి వాడు.. ఎప్పుడైనా బ్లాస్ట్ అవ్వచ్చు. అలాంటి పూరీ జగన్నాధ్ చాలా నమ్మకంగా.. “టెంపర్ తర్వాత నాకు సరైన హిట్ దొరకలేదు.. ఇస్మార్ట్ శంకర్ ఆ లోటును తీర్చుతుంది” అని స్వయంగా చెప్పడం పూరీ ఫ్యాన్స్ ను ఖుషీ చేస్తోంది.
రామ్ పైకి వెజిటేరియన్ లా కనిపించే నాన్ వెజిటేరియన్ అని చెప్పడం, అలాగే సినిమా మూల కథను కూడా పబ్లిక్ గా చెప్పేయడం వంటివి నిన్న జరిగిన “ఇస్మార్ట్ శంకర్” బోనాలు ఈవెంట్ లో పూరీ హైలైట్స్. మరి పూరీ జగన్నాధ్ చెప్పినట్లు.. “టెంపర్” తర్వాత ఆయనకు “ఇస్మార్ట్ శంకర్” ఆరేంజ్ హిట్ వస్తుందా లేదా అని తెలియాలంటే జూలై 18 వరకూ వెయిట్ చేయాల్సిందే.
Home
