డాషింగ్ డైరెక్టర్ పూరి జగన్నాథ్ డైరెక్షన్లో ఎనర్జిటిక్ స్టార్ రామ్ హీరోగా తెరకెక్కుతున్న చిత్రం ‘ఇస్మార్ట్ శంకర్’. ‘పూరి కనెక్ట్స్’ బ్యానర్ పై పూరీజన్నాథ్, ఛార్మి కలిసి ఈ చిత్రాన్ని నిర్మిస్తున్నారు. నభా నటేష్, నిధి అగర్వాల్ హీరోయిన్లుగా నటిస్తున్న ఈ చిత్రానికి మణిశర్మ సంగీతాన్ని అందిస్తున్నాడు. ఇప్పటికే విడుదల చేసిన టీజర్, పాటలకు మంచి స్పందన లభించింది. మొదట ఈ చిత్రాన్ని సమ్మర్ కానుకగా విడుదల చేయాలనుకున్నారు. కానీ షూటింగ్ కంప్లీట్ అవ్వడం లేటవ్వడంతో జులై 12 కు ఫిక్స్ చేసారు. అయితే ఇప్పుడు మళ్ళీ వాయిదా పడిందట.
వరల్డ్ కప్ ఉండడంతో ఈ చిత్రాన్ని వాయిదా వేస్తున్నట్టు చిత్రబృందం ప్రకటించింది. మొదట జూలై 12న ఈ చిత్రం విడుదల కావాల్సి ఉంది అయితే జూలై14న వరల్డ్ కప్ ఫైనల్ మ్యాచ్ ఉంది. దీంతో జనాలు పెద్దగా థియేటర్స్కి రావడానికి ఇంట్రెస్ట్ చూపించారు. కాబట్టి వరల్డ్ కప్ ఫైనల్స్ ముగిసాక జూలై 18 కి చిత్రం విడుదలను వాయిదా వేసారంట.
