Satyasri: ఆ సినిమాలోని పాత్రను రిజెక్ట్ చేశారు.. సత్యశ్రీ చెప్పిన విషయాలివే!

జబర్దస్త్ షో ద్వారా ఊహించని స్థాయిలో పాపులారిటీని సంపాదించుకున్న వాళ్లలో సత్యశ్రీ ఒకరు. తాజాగా ఒక యూట్యూబ్ ఛానల్ కు ఇంటర్వ్యూ ఇచ్చిన సత్యశ్రీ షాకింగ్ విషయాలను చెప్పుకొచ్చారు. పవన్ బాబీ కాంబినేషన్ లో తెరకెక్కిన సర్దార్ గబ్బర్ సింగ్ సినిమాలో నాకు అవకాశం వచ్చిందని సత్యశ్రీ అన్నారు. ఆ సినిమా షూటింగ్ కు వెళ్లగా క్లబ్ లో ఒక డ్యాన్స్ సన్నివేశం చేస్తున్నారని ఆమె తెలిపారు. నాకు చెప్పింది ఒకటి అక్కడ జరిగింది మరొకటి కావడంతో నాకు నచ్చలేదని వెంటనే చెయ్యనని చెప్పి బయటకు వచ్చేశానని సత్యశ్రీ వెల్లడించారు.

పవన్ మూవీ అయినా ఆ సినిమాకు నో చెప్పి నేను బయటకు వచ్చేశానని ఆమె పేర్కొన్నారు. పవన్ కళ్యాణ్ నన్ను పిలిపించి ఎందుకు నటించవని అడగగా భయం వేయడంతో చెయ్యలేనని అన్నానని సత్యశ్రీ కామెంట్లు చేయడం గమనార్హం. పవన్ ఏ ఊరు అని అడగగా తణుకు అని చెప్పానని పవన్ కళ్యాణ్ నాకు ధైర్యం చెప్పారని సత్యశ్రీ వెల్లడించారు.

పవన్ కళ్యాణ్ ను ఫోటో అడిగితే ఇచ్చారని పవన్ కళ్యాణ్ కు నేను వీరాభిమానినని ఆయనతో మాట్లాడిన తర్వాత పవన్ పై ఊహించని స్థాయిలో గౌరవం పెరిగిందని సత్యశ్రీ వెల్లడించారు. తాను నటించిన కొన్ని సినిమాలలోని పాత్రలు ఎడిటింగ్ లో పోయాయని ఆమె ఆవేదన వ్యక్తం చేశారు. సత్యశ్రీ తాజాగా ఎక్స్ట్రా ఆర్డినరీ మ్యాన్ సినిమాలో నటించగా ఈ సినిమా కమర్షియల్ గా సక్సెస్ సాధించకపోయినా సత్యశ్రీ పాత్రకు మంచి రెస్పాన్స్ వచ్చింది.

సత్యశ్రీ తర్వాత ప్రాజెక్ట్ లతో ఎలాంటి ఫలితాలను అందుకుంటారో చూడాల్సి ఉంది. సత్యశ్రీ రెమ్యునరేషన్ పరిమితంగా ఉందని తెలుస్తోంది. సోషల్ మీడియాలో సైతం సత్యశ్రీకి క్రేజ్ అంతకంతకూ పెరుగుతుండటం గమనార్హం. సత్యశ్రీ (Satyasri) కెరీర్ పరంగా మరింత సక్సెస్ కావాలని ఫ్యాన్స్ ఫీలవుతున్నారు.

హాయ్ నాన్న సినిమా రివ్యూ & రేటింగ్!!

‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!