హీరోగా ఎన్నో సినిమాలు చేసిన జగపతి బాబుకి లేడీస్ లో విపరీతమైన ఫాలోయింగ్ ఉండేది. ఆ తరువాత అవకాశాలు తగ్గడంతో విలన్ అవతారమెత్తాడు ఈ నటుడు. బోయపాటి రూపొందించిన ‘లెజెండ్’ సినిమాలో జగ్గుభాయ్ ని విలన్ గా చూసిన వారంతా షాకయ్యారు. అంతగా తన నటనతో మెప్పించాడు. విలన్ గానే కాకుండా క్యారెక్టర్ ఆర్టిస్ట్ గా కూడా పలు సినిమాలు చేయడం మొదలుపెట్టాడు. తెలుగుతో పాటు తమిళ, మలయాళ భాషల్లో కూడా ఆయనకి అవకాశాలు పెరిగాయి.
ఇదిలా ఉండగా.. తాజాగా బోయపాటి-బాలయ్య కాంబినేషన్ లో తెరకెక్కుతోన్న సినిమాలో జగపతిబాబు కూడా నటిస్తున్నట్లు తెలుస్తోంది. మరోసారి ఈ ముగ్గురు కలిసి పని చేస్తుండడంతో ఈసారి కూడా జగపతి బాబు.. బాలయ్యని ఎదిరించే విలన్ గా కనిపిస్తారని అంతా అనుకున్నారు. కానీ ఈ సినిమాలో జగపతిబాబు క్యారెక్టర్ పాజిటివ్ గా ఉండబోతుందని సమాచారం. ఈ పాత్రని బోయపాటి స్పెషల్ గా రాసుకున్నాడట. సినిమాలో బాలయ్యకి కుడిభుజం లాంటి పాత్రలో జగపతి కనిపిస్తాడట.
ఆయన పాత్రే ఈ కథలో కీలకమైన మలుపుకి కారణం అవుతుందని తెలుస్తోంది. బోయపాటి సినిమాల్లో హీరోకి ఓ గ్యాంగ్ ఉంటుంది. అందులో అందరూ మంచివాళ్లే. ఈ సినిమాలో అలాంటి గ్యాంగ్ లో జగపతిబాబు ఉంటాడట. శ్రీకాంత్ ప్రధాన విలన్ అయినప్పటికీ.. సినిమాలో చాలా మంది విలన్లు కనిపిస్తారని తెలుస్తోంది. అన్ని కార్యక్రమాలు పూర్తి చేసి మేలో ఈ సినిమాను విడుదల చేయడానికి ప్లాన్ చేస్తున్నారు. మహాశివరాత్రి సందర్భంగా సినిమా టైటిల్ తో పాటు ఫస్ట్ లుక్ ని విడుదల చేస్తారని సమాచారం.
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
