Salaar: సలార్ సినిమా పై జగపతిబాబు షాకింగ్ కామెంట్స్!

ప్రశాంత్ నీల్ దర్శకత్వంలో నటుడు ప్రభాస్ నటిస్తున్నటువంటి తాజా చిత్రం సలార్. ఈ సినిమా పాన్ ఇండియా స్థాయిలో సెప్టెంబర్ 28వ తేదీ విడుదలకు సిద్ధమవుతోంది. ఈ క్రమంలోనే ఈ సినిమా ప్రమోషన్ కార్యక్రమాలను కూడా మొదలు పెట్టబోతున్నారు.ఈ సినిమాలో పృధ్విరాజ్ సుకుమారన్ విలన్ పాత్రలో నటిస్తున్న విషయం మనకు తెలిసిందే. అలాగే టాలీవుడ్ హీరో జగపతిబాబు కూడా ఈ విలన్ గా నటించారు. సినిమాలో జగపతిబాబు రాజమన్నార్ అనే పవర్ ఫుల్ విలన్ గా కనిపించబోతున్నారు.

ఇప్పటికే జగపతి బాబు ఫస్ట్ లుక్ కూడా రిలీజ్ చేశారు. తాజాగా ఇంటర్వ్యూలో పాల్గొన్నటువంటి జగపతిబాబు సలార్ సినిమా గురించి చేసినటువంటి కామెంట్స్ సంచలనంగా మారాయి. జగపతి బాబు మాట్లాడుతూ.. సలార్ పార్ట్ 1లో నాకు, ప్రభాస్ కి కాంబినేషన్ లో అసలు సీన్స్ లేవు. నేను కొద్దిసేపే కనిపిస్తాను. ఇక పార్ట్ 2 లోమా ఇద్దరి మధ్య చాలా సీన్స్ ఉండటమే కాకుండా ఇద్దరి మధ్య వచ్చే సీన్స్ సినిమాకి చాలా హైలైట్ గా ఉండబోతున్నాయని తెలిపారు.

ఇలా ప్రభాస్ సినిమా గురించి జగపతిబాబు చేసినటువంటి ఈ కామెంట్స్ ప్రస్తుతం వైరల్ అవుతున్నాయి. ఇక ఈ సినిమా కోసం ప్రభాస్ అభిమానులు ఎంతో ఆత్రుతగా ఎదురుచూస్తున్నారు.ఈ మధ్యకాలంలో ప్రభాస్ నటించిన సినిమాలు ఏవి పెద్దగా ప్రేక్షకులను ఆకట్టుకోలేకపోయాయి.బాహుబలి వంటి బ్లాక్ బస్టర్ సినిమా తర్వాత ప్రభాస్ మూడు పాన్ ఇండియా సినిమాల ద్వారా ప్రేక్షకుల ముందుకు వచ్చారు.

అయితే ఈ మూడు పాన్ ఇండియా సినిమాలు కూడా ప్రేక్షకులకు తీవ్రస్థాయిలో నిరాశపరిచాయి. దీంతో ప్రభాస్ తో పాటు ఆయన అభిమానులు కూడా సలార్ (Salaar) సినిమా పైనే ఆశలు పెట్టుకున్నారు. మరి ఈ సినిమా ఎలాంటి సక్సెస్ అందిస్తుందో తెలియాల్సి ఉంది.

పాత్ర కోసం ఇష్టాలను పక్కన పడేసిన నటులు వీళ్లేనా..!

సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
నాయకుడు సినిమా రివ్యూ & రేటింగ్!