ఖరారైన లవ, కుశ టీజర్ రిలీజ్ డేట్

బాబీ దర్శకత్వంలో ఎన్టీఆర్ చేస్తున్న సినిమా జై లవకుశ సినిమా వేగంగా షూటింగ్ జరుపుకుంటోంది. నిన్నటితో రెండు పాటలు మినహా టాకీ పార్ట్ మొత్తం పూర్తి అయింది. తొలిసారి తారక్ త్రిపాత్రాభినయం చేస్తున్నఇందులోని నెగటివ్ క్యారక్టర్ అయిన జై కి సంబంధించిన టీజర్ గత నెల విడుదలై విశేషంగా ఆకట్టుకుంది. ఇందులో ఎన్టీఆర్ నటన అదరహో అనిపించింది. ఈ చిత్రంలోని మరో పాత్ర లవ కుమార్ ఫస్ట్ లుక్ ని రాఖీ పండుగ నాడు రిలీజ్ చేశారు. ఈ లుక్ క్లాస్ అభిమానులకు తెగ నచ్చేసింది.

ఈ క్యారక్టర్ కు చెందిన టీజర్ తో పాటు కుశకు సంబంధించిన టీజర్ ని రిలీజ్ చేసే డేట్స్ ఖరారు అయ్యాయి. వినాయక చవితి(ఆగస్టు 25) కి లవకుమార్ టీజర్ రానున్నట్లు తెలిసింది. ఈ నెల చివరి వారంలో కుశ టీజర్ ని కూడా రిలీజ్ చేయడానికి చిత్ర బృందం ఫిక్స్ అయింది. ఎన్టీఆర్ ఆర్ట్స్ బ్యానర్లో వందకోట్ల బడ్జెట్ తో కళ్యాణ్ రామ్ నిర్మిస్తున్న ఈ సినిమా సెప్టెంబర్ 21 న థియేటర్లలో రానుంది.

Also, do SUBSCRIBE to our YouTube channel to get latest Tollywood updates.