క్వారీలో జై లవకుశ ఫైట్ షూట్

బాబీ దర్శకత్వంలో యంగ్ టైగర్ ఎన్టీఆర్ నటిస్తున్న ‘జైలవకుశ’ చిత్రం షూటింగ్ వేగంగా జరుగుతోంది. తారక్ మాస్ అభిమానులకు నచ్చేలా ఇందులో భారీ ఫైట్స్ ఉండేలా డైరక్టర్ ప్లాన్ చేస్తున్నారు. మొన్నటి వరకు రామోజీ ఫిలిం సిటీలోని భారీ సెట్ లో కీలక సీన్లకు తెరకెక్కించారు. ఇప్పుడు హైదరాబాద్‌ శివార్లలో ఉన్న ఓ క్వారీలో యాక్షన్‌ సన్నివేశాల్నిషూట్ చేస్తున్నారు. నిన్నటి నుంచి మొదలయిన ఈ చిత్రీకరణలో విలన్ పాత్రధారి రోనిత్‌ రాయ్‌ కూడా పాల్గొన్నారు. రోనిత్‌కీ తారక్‌కీ మధ్య ఈ ఫైట్‌ సాగుతోంది. ఫైట్‌ మాస్టర్‌ అనిల్‌ అరసు ఈ యాక్షన్‌ ఘట్టాన్ని కంపోజ్‌ చేశారు. నెలాఖరు వరకూ క్వారీలోనే షూటింగ్‌ కొనసాగనుంది.

ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ చిత్రంలో తారక్ సరసన రాశీఖన్నా, నివేదా థామస్, నందితా రాజ్ లు హీరోయిన్స్ గా నటిస్తున్నారు. నాన్నకు ప్రేమతో, జనతా గ్యారేజ్ కి సూపర్ పాటలను ఇచ్చిన  దేవీ శ్రీ ప్రసాద్ జై లవకుశకి అద్భుతమైన సంగీతాన్ని ఇచ్చే పనిలో ఉన్నారు. ఎన్టీఆర్ తొలిసారి త్రిపాత్రాభినయం చేస్తున్న ఈ సినిమా టీజర్ జులై మొదటి వారంలో రిలీజ్ కానుంది.

Also, do SUBSCRIBE to our YouTube channel to get latest Tollywood updates.