రామాయణం మహాకావ్యానికి జై లవ కుశ కి ఉన్న సంబంధం ఏమిటి?

లవ కుశ పేరు చెప్పగానే హిందువుల ఆరాధ్యదైవం శ్రీరాముని జీవిత గాథ కళ్లముందు కదలాడుతుంది. రామాయణం మహాకావ్యాన్ని సినిమాలు, సీరియల్స్ రూపంలో అనేక సార్లు చూసి ఉన్నాం. సో లవకుశ అంటే సీతారాముల తనయులు గుర్తుకువస్తారు. ప్రస్తుతం జై లవ కుశ అనే పేరుతో ఎన్టీఆర్ సినిమా చేస్తున్నారు. శ్రీరామనవమి సందర్భంగా ఈ సినిమా లోగోను రిలీజ్ చేశారు. ఈ మోషన్ పోస్టర్ లో రామాయణ కీలక ఘట్టాలను బొమ్మల రూపంలో చూపించారు. పైగా లోగో డిజైన్ పౌరాణిక స్టైల్లో ఉండడంతో ఈ సినిమా కథ రామాయణానికి పోలి ఉంటుందా? అనే అనుమానాన్ని వ్యక్తం చేస్తున్నారు.

ఈ విషయంపై డైరక్టర్ బాబీ ఎటువంటి ప్రకటన చేయలేదు. కథ ఏదైనా తారక్ నట విశ్వరూపం చూడాలని అభిమానులు ఆరాటపడుతున్నారు. ఇందులో ఎన్టీఆర్ మూడు పాత్రలో నటిస్తున్నారని వార్త  తెలిసినప్పటి నుంచి ఫ్యాన్స్ ఆనందంలో ఉన్నారు. ఇక లోగో ని చూసి సినిమాపై అంచనాలను పెంచేసుకున్నారు. ఎన్టీఆర్ ఆర్ట్స్ బ్యానర్లలో కల్యాణరామ్ నిర్మిస్తున్న ఈ ఫిల్మ్ కి రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు.

Also, do SUBSCRIBE to our YouTube channel to get latest Tollywood updates.