గ్యారేజీకి అడ్డుపడుతున్న రజిని..?

సినిమా ప్రారంభమయిన రోజునే ఆగ‌స్టు 12న వ‌స్తామని జ‌న‌తా గ్యారేజీ టీమ్ స్ప‌ష్టం చేసింది. కృష్ణా పుష్క‌రాల టైమ్ అది. దానికి తోడు.. వ‌రుస‌గా సెల‌వ‌లు వ‌స్తున్నాయి. ఆ టైమ్‌ని క్యాష్ చేసుకోవాల‌న్న‌ది చిత్ర‌బృందం ఆలోచ‌న‌. తెలుగులో కూడా కొన్ని సినిమాలు ఆగ‌స్టు 12న క‌న్నేశాయి. కానీ జ‌న‌తా గ్యారేజీ ఉండ‌డంతో ప‌క్క‌కు త‌ప్పుకొన్నాయి.

అయితే క‌బాలి దృష్టి కూడా ఆ డేట్ పైనే ప‌డింద‌ని తెలుస్తోంది. క‌బాలి రిలీజ్ డేడ్ వ‌రుస‌గా వాయిదాలు వేస్తూ వ‌స్తున్నారు.కబాలి రిలీజ్ ఎప్పుడ‌న్న‌ది స్ప‌ష్ట‌త లేకుండా ఉంది. స‌డ‌న్‌గా వాళ్లు కూడా ఆగ‌స్టు 12న అంటే జ‌న‌తా గ్యారేజ్ వాయిదా ప‌డ‌క త‌ప్ప‌దు. ఎందుకంటే తెలుగు, త‌మిళ‌, మ‌ల‌యాళ భాష‌ల్లో జ‌న‌తా గ్యారేజ్ విడుద‌ల కావాల్సివుంది. క‌బాలి కూడా అదే టైమ్‌కి ఫిక్స‌యితే. త‌మిళ‌, మ‌ల‌యాళ సీమ‌ల్లో థియేట‌ర్లు దొర‌క‌డం క‌ష్టం అవుతుంది. కబాలి రీలీజ్ డేట్ ఎప్పుడో తెలీక ఎన్టీఆర్ అడ్ కో.. స‌త‌మ‌త‌మ‌వుతుంది. ఈ విష‌యంలో వెంట‌నే క్లారిటీ ఇవ్వ‌మ‌ని.. క‌బాలి టీమ్‌ని జ‌న‌తా గ్యారేజ్ టీమ్ అడగనున్నట్లు తెలుస్తోంది. మ‌రి ఈ విషయంలో ఏం జ‌రుగుతుందో చూడాలి.