జనతా గ్యారేజ్ లీకుల గోల

టాలీవుడ్ సూపర్ హిట్ మూవీ “శ్రీమంతుడు” డైరెక్టర్ కొరటాల శివ, ఎన్టీఆర్ ఆర్ కాంబి నేషన్ లో వస్తున్నా సినిమా జనతా గ్యారేజ్. ఈ చిత్రానికి లీకుల వైరస్ పట్టుకుంది. హీరో, డైరెక్టర్ చెప్పక ముందే జనతా గ్యారేజ్ కథ ఇదేనంటూ ఓ స్టొరీ నెట్లో తెగ తిరిగేస్తోంది. మోహన్ లాల్, ఎన్టీఆర్ మామ అల్లుళ్ళు అని, వారిద్దరి సానిహిత్యం మోహన్ లాల్ కొడుకుకి నచ్చదని, దీంతో అతను మాఫియా డాన్ లతో చేయి కలిపి కుట్ర పన్నుతాడని .. దానిని ఎన్టీఆర్ తిప్పికొడుతాడని.. ఇదే జనతా గ్యారేజ్ కథ అని చెప్పుకుంటూ ఉన్నారు. ఈ కథ ఫై చిత్ర యూనిట్ స్పందించ లేదు. కనీసం ఆ కథ తప్పని కూడా చెప్పలేదు.

ఈ స్టోరీ గురించి పక్కన పెడితే వేడుకగా రిలీజ్ చేయవలసిన జనతా గ్యారేజ్ లో ఎన్టీఆర్ ఫ్రస్ట్ లుక్ ని లీకుల రాయుళ్లు నెట్లో విడుదల చేశారు. అంతే కాదు సారధి స్టూడియో లో వేసిన జనతా గ్యారేజ్ సెట్ ఫోటోలు లీక్ అయ్యాయి. లీకులను అడ్డుకునేందుకు చిత్ర యూనిట్ చాలా చర్యలు చేపట్టారు. అయినా రీసెంట్ గా ఎన్టీఆర్ సాంగ్ చిత్రీకరణ వీడియో లీక్ అయింది. అందులో ఎన్టీఆర్ స్టూడెంట్ గెటప్ లో సైడ్ బ్యాగ్ తగిలించుకుని పాట పాడుకుంటూ వెళుతుంటాడు. ఎన్నిజాగ్రత్త చర్యలు చేపట్టినా లీకులను ఆపలేక చిత్ర బృందం తల పట్టుకుంది.

ఎన్టీఆర్ సినిమా షూటింగ్ (మేకింగ్) వీడియో లు లీక్ కావడం ఇది కొత్త కాదు. నాన్నకు ప్రేమతో మేకింగ్ వీడియోలు కూడా లీక్ అయ్యాయి. అయితే జనతా గ్యారేజ్ లీకుల ఫై ఎన్టీఆర్ సీరియస్ గా తీసుకున్నారని, డైరెక్టర్ కొరటాల శివ, నిర్మాతలు నవీన్, రవి శంకర్, మోహన్ లు లీకులను ఆపేందుకు ప్రత్యేక టీం లను నియమించినట్లు సమాచారం.