రికార్డ్ క్రియేట్ చేసిన ‘జనతా గ్యారేజ్‌’ ట్రైలర్‌

హిట్ డైరక్టర్ కొరటాల శివ దర్శకత్వంలో యంగ్ టైగర్ ఎన్టీఆర్‌ కథానాయకుడిగా నటించిన ‘జనతా గ్యారేజ్‌’ చిత్రం విడుదలకు ముందే రికార్డులను సృష్టిస్తోంది. రంజాన్ కానుకగా జులై 6 న రిలీజ్ అయినా టీజర్ 54 లక్షలకు పైగా వ్యూస్ రాబట్టి రికార్డ్ క్రియేట్ చేసింది. నెల రోజుల్లో ఒక తెలుగు చిత్ర టీజర్ ని ఇంత మంది చూడడం ఇదే తోలి సారి.

టీజర్ తో పాటు  ట్రైలర్‌, పాటలకు మంచి స్పందన లభిస్తోంది. ఈ నెల 12న యూట్యూబ్‌లో విడుదలైన ట్రైలర్‌ను ఇప్పటి వరకు మొత్తం 34 లక్షల మందికి పైగా చూశారు. అదేవిధంగా ఈ చిత్రం పాటల జూక్‌ బాక్స్‌కు 7 లక్షల హిట్స్‌ లభించాయి. రాక్ స్టార్ దేవి శ్రీ ప్రసాద్ పాటలు యువతను విశేషంగా ఆకట్టుకుంటున్నాయి. దీంతో తారక్ అభిమానులు ఆనందం వ్యక్తం చేస్తున్నారు.

ఈ సినిమా బ్లాక్ బస్టర్ అవుతుందని ధీమా వ్యక్తం చేస్తున్నారు. సమంత, నిత్యా మీనన్ లు హీరోయిన్లుగా నటిస్తున్న ఈ చిత్రంలో మలయాళ సూపర్ స్టార్ కీలక రోల్ పోషిస్తున్నారు. మైత్రి మూవీ మేకర్స్‌ వారు 50 కోట్లతో నిర్మించిన ‘జనతా గ్యారేజ్‌’  సెప్టెంబరు 2న రిలీజ్ కానుంది.