దివంగత నటి, అతిలోక సుందరి శ్రీదేవికి ఒకప్పుడు దేశవ్యాప్తంగా మంచి క్రేజ్ ఉండేది. ఎన్టీఆర్, ఏఎన్నార్ లాంటి స్టార్స్ తో పాటు ఆ తరువాతి జెనరేషన్ హీరోలతో కూడా ఆడిపాడింది. మెగాస్టార్ చిరంజీవి సైతం ఆమె డేట్స్ కోసం ఎదురుచూసిన రోజులు ఉన్నాయి. ఇక బాలీవుడ్ లో అయితే ఆమె క్రేజ్ గురించి ఎంత చెప్పుకున్నా తక్కువే. కోట్ల మంది అభిమానులను సొంతం చేసుకుంది శ్రీదేవి. ఆమె వారసురాలిగా జాన్వీకపూర్ ఇండస్ట్రీలోకి ఎంట్రీ ఇచ్చింది.
మొదట్లో ఆమెపై భారీ అంచనాలు ఉండేవి. ఫ్యాన్స్ అయితే జూనియర్ శ్రీదేవి అని ముద్దుగా పిలుచుకునేవారు. కానీ ఇప్పుడు ఆమె కెరీర్ ప్లానింగ్ చూస్తుంటే వెండితెరపై కంటే ఓటీటీలోనే ఎక్కువ కనిపించేలా ఉంది. 2018లో ఇండస్ట్రీలో అడుగుపెట్టింది. ఈ ఐదేళ్లలో ఆమె చేసిన సినిమాలు చాలా తక్కువ. వాటిలో గుంజన్ సక్సేనా, ఘోస్ట్ స్టోరీస్ సినిమాలు నేరుగా ఓటీటీలోకి వచ్చేశాయి. ఇప్పడు ఆమె నటించిన మరో సినిమా ‘గుడ్ లక్ జెర్రీ’ కూడా నేరుగా ఓటీటీలో రానుంది.
డిస్నీ హాట్ స్టార్ జూలై 29 నుంచి ఈ సినిమా స్ట్రీమింగ్ కానుందని అనౌన్స్ చేశారు. ఇది నయనతార నటించిన ‘కోకో కోకిల’ సినిమా రీమేక్ గా తెరకెక్కింది. మరో మళయాలం సినిమా ‘హెలెన్’కి రీమేక్ గా ‘మిలి’ అనే సినిమా చేసింది జాన్వీ. ఈ సినిమాను కూడా డైరెక్ట్ గా ఓటీటీలో రిలీజ్ చేసే ఛాన్స్ ఉందని అంటున్నారు. ఇవి కాకుండా.. ఆమె చేతిలో ‘మిస్టర్ అండ్ మిసెస్ మహీ’, ‘బవాల్’ అనే రెండు సినిమాలు ఉన్నాయి. కొన్నాళ్లక్రితం వరకు టాలీవుడ్ నుంచి ఆమెకి మంచి ఆఫర్స్ వచ్చాయి.
దిల్ రాజు, పూరి జగన్నాధ్ లాంటి వాళ్లు ఆమెని తమ సినిమాల్లో తీసుకోవాలనుకున్నారు. కానీ ఆమె పెద్దగా ఆసక్తి చూపలేదు. ఇప్పుడేమో టాలీవుడ్ మేకర్స్ కి ఆమెపై ఆసక్తి తగ్గిపోయింది. బాలీవుడ్ లో చూస్తే ఆమె చేస్తోన్న సినిమాలు రీమేక్ కథలు, అవి కూడా ఓటీటీలో రిలీజ్ చేస్తుండడంతో.. కెరీర్ పరంగా ఆమె ప్లానింగ్ బాలేదనే మాటలు వినిపిస్తున్నాయి. ఇలా అయితే ఆమె శ్రీదేవి లెగసీను కంటిన్యూ చేయడం కష్టమేనని అంటున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
