టాలీవుడ్ ఇండస్ట్రీలోని టాప్ కొరియోగ్రాఫర్లలో ఒకరైన జానీ మాస్టర్ (Jani Master) ఊహించని విధంగా వివాదాల్లో చిక్కుకోవడం ద్వారా వార్తల్లో నిలిచారు. అయితే జానీ మాస్టర్ రెమ్యునరేషన్ ఎంత అనే ప్రశ్నకు ఆసక్తికర సమాధానం వినిపిస్తోంది. చిన్న సినిమాలకు ఒక్కో సాంగ్ కు 10 లక్షల రూపాయల రేంజ్ లో పెద్ద సినిమాలకు ఒక్కో పాటకు 50 లక్ష రూపాయల రేంజ్ లో జానీ మాస్టర్ కు పారితోషికంగా దక్కేదని భోగట్టా. అయితే ఈ మొత్తంలో డ్యాన్సర్లకు చెల్లించాల్సిన మొత్తం, డ్యాన్సర్ల క్యాస్టూమ్స్ ఇలా ఇతర ఖర్చులు ఎక్కువగా ఉంటాయని అందువల్ల నిర్మాతలు ఇచ్చే మొత్తం ఎక్కువే అయినా కొరియోగ్రాఫర్లకు మరీ భారీ స్థాయిలో మిగలదని తెలుస్తోంది.
డ్యాన్సర్ల వేతనాలు సైతం ఒకింత ఎక్కువగానే ఉన్నాయని తెలుస్తోంది. జానీ మాస్టర్ 16 సంవత్సరాల నుంచి ఇండస్ట్రీలో ఉండగా అంచెలంచెలుగా ఎదిగి ఈ స్థాయికి చేరుకున్నారు. కానీ ఒక్క వివాదంతో ఆయన కెరీర్ ప్రమాదంలో పడింది. జైలు నుంచి బయటకు వచ్చినా ఆయనకు మునుపటిలా ఆఫర్లు వస్తాయో రావో కచ్చితంగా చెప్పలేము.
జానీ మాస్టర్ కు కోర్టు ఎన్నేళ్ల శిక్ష విధిస్తుందనే చర్చ సైతం సోషల్ మీడియా వేదికగా జరుగుతోంది. జానీ మాస్టర్ భార్య ఇంటర్వ్యూలలో భాగంగా వెల్లడిస్తున్న విషయాలు సైతం ఒకింత సంచలనం అవుతున్నాయి. అయితే ఆమె మాటల్లో నిజానిజాలు తెలియాల్సి ఉంది. పోలీసుల విచారణలో ఈ కేసుకు సంబంధించి షాకింగ్ విషయాలు రివీల్ అయ్యే ఛాన్స్ అయితే ఉంది.
జానీ మాస్టర్ పై మరికొన్ని ఆరోపణలు వినిపిస్తున్న నేపథ్యంలో ఏం జరుగుతుందో చూడాల్సి ఉంది. ఇండస్ట్రీ నుంచి ఒకరిద్దరు జానీ మాస్టర్ కు సపోర్ట్ చేస్తున్నా ఎక్కువమంది నుంచి మాత్రం సపోర్ట్ అయితే లభించడం లేదనే చెప్పాలి. జానీ మాస్టర్ తో పని చేసిన స్టార్స్ సైతం ఆయన కేసు గురించి ప్రస్తావించడానికి పెద్దగా ఇష్టపడటం లేదనే చెప్పాలి.
