Jawan First Review: ‘జవాన్’ ఫస్ట్ రివ్యూ వచ్చేసింది.. ఎలా ఉందంటే?

September 4, 2023 / 02:33 PM ISTByFilmy Focus

Join Us

Jawan First Review: ‘జవాన్’ ఫస్ట్ రివ్యూ వచ్చేసింది.. ఎలా ఉందంటే?

బాలీవుడ్ బాద్ షా.. షారుఖ్ హీరోగా అట్లీ దర్శకత్వంలో తెరకెక్కిన భారీ బడ్జెట్ యాక్షన్ మూవీ ‘జవాన్’. సెప్టెంబర్ 7న ఈ సినిమా హిందీ, తమిళ్ తో పాటు తెలుగు, కన్నడ, మలయాళ భాషల్లో కూడా గ్రాండ్ గా రిలీజ్ కాబోతుంది. ఈ ఏడాది ఆరంభంలో రిలీజ్ అయిన ‘పఠాన్’ సినిమాతో షారుఖ్ ఖాన్ పెద్ద బ్లాక్ బస్టర్ అందుకున్నాడు. ఆ సినిమా వెయ్యి కోట్లు పైనే వసూల్ చేసి అతనికి స్ట్రాంగ్ కంబ్యాక్ ను అందించింది.

ఇక దర్శకుడు అట్లీ తీసిన అన్ని సినిమాలు సూపర్ హిట్లే. అందుకే ‘జవాన్’ మూవీ పై భారీ అంచనాలు నెలకొన్నాయి. నయనతార హీరోయిన్ గా నటిస్తున్న ఈ సినిమాలో విజయ్ సేతుపతి నెగిటివ్ షేడ్స్ కలిగిన పాత్రని పోషిస్తున్నాడు. టీజర్, ట్రైలర్లు కూడా ప్రేక్షకుల్ని అమితంగా ఆకట్టుకున్నాయి. మరోపక్క ప్రతి సినిమా రిలీజ్ కి ముందు దాని రిజల్ట్ ఇది అంటూ చెప్పే ఓ ఫేక్ రివ్యూయర్ అయిన ఉమైర్ సంధు ‘జవాన్’ చిత్రం చూసినట్టు చెప్పి రివ్యూ ఇచ్చాడు.

అతని రివ్యూ ప్రకారం.. (Jawan) ‘జవాన్’ సినిమా షారుఖ్ టాలెంట్ ను మొత్తం బయటపెట్టింది. ఇది అతనికి పర్ఫెక్ట్ యాప్ట్ మూవీ అంటూ అతను చెప్పాడు. షారుఖ్ ఖాన్ టాలెంట్ గురించి ఇతను చెప్పాలా.? సరి తర్వాత కథకి తగ్గట్టు షారుక్ నటన, ఎనర్జీ పర్ఫెక్ట్ గా సింక్ అయ్యాయట. బిజినెస్ పరంగా ఇండియన్ సినిమాల్లో భారీ కలెక్షన్స్ ను సాధించి పాత రికార్డులు బద్దలు కొట్టేస్తుందని ఇతను ధీమా వ్యక్తం చేశాడు. వికలాంగుడి పాత్రలో షారుఖ్ ఖాన్ పరకాయ ప్రవేశం చేసి మరీ మెప్పించాడట.

ఇది పక్కన పెడితే గతంలో ఉమైర్ సంధు షారుఖ్ ఖాన్ నటించిన ‘హ్యాపీ న్యూ ఇయర్’ అనే సినిమాకి రివ్యూ ఇచ్చి 4.5 /5 రేటింగ్ ఇచ్చాడట. ఆ సినిమా పెద్ద ప్లాప్ అయ్యింది. ఇక ‘పఠాన్’ అట్టర్ ప్లాప్ సినిమా అని రివ్యూ ఇచ్చాడు. అది సూపర్ హిట్ అయ్యింది. సో ఉమైర్ సంధు రివ్యూని సీరియస్ గా తీసుకోవాల్సిన అవసరం లేదు. అతని రివ్యూల్లో కథ ఎప్పుడూ చెప్పడు.