Jeevitha, Bandla Ganesh: ఓడినా అదే పని చేస్తానంటున్న జీవిత!

September 6, 2021 / 12:45 PM ISTByFilmy Focus

Join Us

Jeevitha, Bandla Ganesh: ఓడినా అదే పని చేస్తానంటున్న జీవిత!

ప్రముఖ నటుడు, నిర్మాత బండ్ల గణేష్ ప్రకాష్ రాజ్ ప్యానల్ నుంచి తప్పుకుంటున్నానని తాజాగా షాకింగ్ ప్రకటన చేసిన సంగతి తెలిసిందే. ప్రకాష్ రాజ్ ప్యానల్ లోకి జీవిత రావడం వల్లే తాను ఈ నిర్ణయం తీసుకున్నానని బండ్ల గణేష్ చెప్పుకొచ్చారు. తాను జనరల్ సెక్రటరీ పదవి కోసం ఇండిపెండెంట్ గా పోటీ చేస్తానని బండ్ల గణేష్ తెలిపారు. ‘మా’ ఎన్నికల గురించి బండ్ల గణేష్ చేసిన ట్వీట్లు నెట్టింట వైరల్ అవుతున్నాయి.

అయితే బండ్ల గణేష్ చేసిన కామెంట్ల గురించి జీవితా రాజశేఖర్ స్పందించారు. ప్రముఖ ఛానల్ తో మాట్లాడుతూ తనకు బండ్ల గణేష్ తో ఎటువంటి విభేదాలు లేవని జీవిత పేర్కొన్నారు. మూవీ ఆర్టిస్ట్ అసోసియేషన్ లో సభ్యులుగా ఉన్నవాళ్లలో ఎవరైనా ఎన్నికల్లో పోటీ చేయవచ్చని జీవిత వెల్లడించారు. ఎన్నికల్లో తాను గెలిచినా ఓడినా మూవీ ఆర్టిస్ట్ అసోసియేషన్ అభివృద్ధి కోసమే కష్టపడతానని జీవిత పేర్కొన్నారు. బండ్ల గణేష్ తనకు వ్యతిరేకంగా పోటీ చేస్తున్నారని తాను అనుకోవడం లేదని

మూవీ ఆర్టిస్ట్ అసోసియేషన్ అభివృద్ధి కోసమే బండ్ల గణేష్ పోటీ చేస్తున్నారని భావిస్తున్నానని జీవిత తెలిపారు. ప్రకాష్ రాజ్ ప్యానల్ నుంచి జీవిత జనరల్ సెక్రటరీ పదవికి పోటీ చేయనున్నారు. బండ్ల గణేష్ జీవితలలో ఎవరు జనరల్ సెక్రటరీ పదవికి ఎంపికవుతారో చూడాల్సి ఉంది. మూవీ ఆర్టిస్ట్ అసోసియేషన్ ఎన్నికల సమయానికి ఎన్నికల విషయంలో ఇంకెన్ని ట్విస్టులు చోటు చేసుకుంటాయో తెలియాలంటే మరికొన్ని రోజులు ఆగాల్సిందే.