తెలుగు పరిశ్రమలో ఎన్ని తరాలు మారినా, ఎన్ని ఏళ్లు గడిచినా చిరంజీవి మాకు ఇన్ స్పిరేషన్ అని యంగ్ టైగర్ ఎన్టీఆర్ చెప్పారు. ఆదివారం జరిగిన మా టీవీ అవార్డ్ కార్యక్రమంలో మెగాస్టార్ చిరంజీవి, అక్కినేని నాగార్జున చేతుల మీదుగా ఎన్టీఆర్ టెంపర్ సినిమాలో నటనకు గాను ఉత్తమ నటుడిగా అవార్డ్ అందుకున్నారు.
ఈ సందర్భంగా ఎన్టీఆర్ మాట్లాడుతూ “నాకు ఈ అవార్డు ఇచ్చిన స్టార్ ఇండియా వారికి నా ధన్యవాదాలు. చిరంజీవి, నాగార్జున చేతుల మీదుగా ఈ అవార్డు అందుకోవడం గర్వంగా ఉంది. ఎన్టీ రామారావు, నాగేశ్వరరావు, కృష్ణ, చిరంజీవి, బాలకృష్ణ గారి ఆశీర్వచనాలు మా ఈ జనరేషన్ మీద ఎల్లప్పుడూ ఉండాలని నేను కోరుకుంటున్నాను.
సొంతంగా కథ రాసుకునే సత్తా ఉన్నప్పటికీ నా మాట ప్రకారం వేరొకరి కథతో టెంపర్ సినిమా చేసినందుకు పూరి జగన్నాధ్ కి కృతజ్ఞతలు’’ అంటూ ముగించాడు. ఎన్టీఆర్ తో పాటు టెంపర్ చిత్రానికి మరో రెండు అవార్డులు వరించాయి. మాటల రచయితగా పూరి జగన్నాధ్ కు, బెస్ట్ సపోర్టింగ్ యాక్టర్ గా పోసాని కృష్ణ మురళికి అవార్డులు దక్కాయి.
