Jr NTR: ఏడాదిలో కొరటాల శివ పూర్తిగా మార్చేశారా?

యంగ్ టైగర్ జూనియర్ ఎన్టీఆర్ కొరటాల శివ కాంబినేషన్ లో సినిమాకు సంబంధించి గతేడాది ఏప్రిల్ నెలలో అధికారిక ప్రకటన వెలువడింది. ఆచార్య సినిమా, ఆర్ఆర్ఆర్ సినిమా రిలీజ్ డేట్లు మారడంతో ఈ ప్రాజెక్ట్ షూటింగ్ అంతకంతకూ ఆలస్యమైంది. కరోనా థర్డ్ వేవ్ ఈ రెండు సినిమాల రిలీజ్ డేట్లు మారడానికి ప్రత్యక్షంగా, పరోక్షంగా మారడానికి కారణమైందని చెప్పవచ్చు. అయితే గతేడాది ఎన్టీఆర్ పుట్టినరోజు సందర్భంగా ఎన్టీఆర్30 నుంచి ఒక పోస్టర్ విడుదలైంది.

ఆ పోస్టర్ లో ఎన్టీఆర్ పూర్తిగా క్లాస్ లుక్ లో కనిపించారు. ఆ పోస్టర్ లో క్లాస్ గా కనిపించిన తారక్ తాజాగా విడుదలైన పోస్టర్ లో మాత్రం మాస్ గా కనిపించారు. చేతిలో కత్తులు పట్టుకున్న ఎన్టీఆర్ కొత్త పోస్టర్ తో ఆది, సింహాద్రి సినిమాలను గుర్తుకు తెచ్చారు. అయితే ఏడాదిలో కొరటాల శివ మొత్తం కథను మార్చేశారా అనే ప్రశ్నలు నెటిజన్ల నుంచి వ్యక్తమవుతూ ఉండటం గమనార్హం. ఎన్టీఆర్30 కథలో చాలా మార్పులు జరిగాయని పోస్టర్ల ద్వారా స్పష్టమవుతోంది.

అయితే క్లాస్ ప్రేక్షకుల్లో, మాస్ ప్రేక్షకుల్లో అభిమానులను సొంతం చేసుకున్న కొరటాల శివ, ఎన్టీఆర్ మరోసారి బాక్సాఫీస్ వద్ద మ్యాజిక్ చేయడం ఖాయమని ఇండస్ట్రీ వర్గాల్లో వినిపిస్తోంది. సోషల్ మీడియాకు దూరంగా ఉన్న కొరటాల శివ స్పందిస్తే మాత్రమే ఈ ప్రశ్నలకు సంబంధించి క్లారిటీ వస్తుంది. కొరటాల శివ సోషల్ మీడియాలో యాక్టివ్ అయితే బాగుంటుందని ఆయన ఫ్యాన్స్ కోరుకుంటున్నారు.

ఎన్టీఆర్30 సినిమాలో కొరటాల శివ మార్క్ మెసేజ్ లేకపోయినా ప్రేక్షకులకు నచ్చే అన్ని అంశాలు ఉండనున్నాయని తెలుస్తోంది. ఆర్ఆర్ఆర్ ప్రమోషన్స్ లో భాగంగా రివేంజ్ కథాంశంతో ఈ సినిమా తెరకెక్కనుందని ఎన్టీఆర్ క్లారిటీ ఇచ్చారు. ఇప్పటికే ఎన్టీఆర్30 సినిమా ప్రీ ప్రొడక్షన్ పనులు మొదలు కాగా ఈ సినిమాలో హీరోయిన్ ఫైనల్ కావాల్సి ఉంది. అలియా భట్ ఈ సినిమా నుంచి తప్పుకోవడంతో ఈ సమస్య మొదలైంది.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!