యంగ్ టైగర్ జూనియర్ ఎన్టీఆర్ (Jr NTR) ఈ ఏడాది దేవర సినిమాతో ప్రేక్షకుల ముందుకు రానున్నారు. దాదాపుగా ఏడాదిన్నర పాటు ఈ సినిమా షూటింగ్ ను జరుపుకోగా ఈ సినిమా నెక్స్ట్ లెవెల్ లో ఉండబోతుందని కచ్చితంగా బ్లాక్ బస్టర్ హిట్ గా నిలుస్తుందని ఫ్యాన్స్ ఫీలవుతున్నారు. తారక్ బాలీవుడ్ లో ఇప్పటికే వార్2 సినిమాకు గ్రీన్ సిగ్నల్ ఇచ్చిన సంగతి తెలిసిందే. ఈ సినిమా తర్వాత తారక్ యశ్ రామ్ ఫిల్మ్స్ బ్యానర్ లో మరో సినిమాలో నటిస్తారని వార్తలు వచ్చాయి.
అయితే కరణ్ జోహార్ (Karan Johar) బ్యానర్ లో సైతం తారక్ హీరోగా ఒక సినిమాలో నటించనున్నారని తెలుస్తోంది. కరణ్ జోహార్, కళ్యాణ్ రామ్ (Kalyan Ram) సంయుక్తంగా ఈ ప్రాజెక్ట్ ను నిర్మించే ఛాన్స్ అయితే ఉందని తెలుస్తోంది. బాలీవుడ్ ఇండస్ట్రీలో తారక్ వరుస సినిమాలకు గ్రీన్ సిగ్నల్ ఇస్తుండటం ఫ్యాన్స్ కు ఒకవైపు సంతోషాన్ని కలిగిస్తున్నా టాలీవుడ్ కు తారక్ దూరమవుతారేమో అని కూడా ఫ్యాన్స్ టెన్షన్ పడుతున్నారు.
యంగ్ టైగర్ ఎన్టీఆర్ ఫ్యాన్స్ తాము గర్వపడే సినిమాలలో జూనియర్ ఎన్టీఆర్ నటించాలని కామెంట్లు చేస్తున్నారు. ఎన్టీఆర్ క్రేజ్ పరంగా మరింత ఎదిగేలా కెరీర్ ను ప్లాన్ చేసుకోవాల్సిన అవసరం అయితే ఉందని అభిప్రాయాలు వ్యక్తమవుతున్నాయి. తారక్ కు ఇప్పటికే నార్త్ ఇండియాలో సైతం ఫ్యాన్ ఫాలోయింగ్ పెరుగుతోంది. జూనియర్ ఎన్టీఆర్ సినిమా సినిమాకు వైవిధ్యం ఉండేలా జాగ్రత్త పడుతున్నారు.
జూనియర్ ఎన్టీఆర్ వార్2 సినిమాకు సంబంధించి, తన రోల్ కు సంబంధించి క్లారిటీ ఇస్తే బాగుంటుందని మరి కొందరు అభిప్రాయం వ్యక్తం చేస్తున్నారు. ఎన్టీఆర్ రాబోయే రోజుల్లో రెమ్యునరేషన్ పరంగా సరికొత్త రికార్డులు క్రియేట్ చేయడం గ్యారంటీ అని అభిమానులు చెబుతున్నారు. యంగ్ టైగర్ జూనియర్ ఎన్టీఆర్ భవిష్యత్తు ప్రాజెక్ట్ లతో ట్రిపుల్ హ్యాట్రిక్ సాధించాలని కామెంట్లు వినిపిస్తున్నాయి.
Home