ప్రముఖ దర్శకుడు పూరి జగన్నాధ్ దర్శకత్వంలో కళ్యాణ్ రామ్ హీరోగా నటిస్తూ, నిర్మిస్తున్న చిత్రం “ఇజం”. ఈ చిత్ర ఫస్ట్ లుక్ లో కళ్యాణ్ రామ్ నయా గెటప్ తో అదరగొట్టాడు. హీరో నుంచి విలన్ గా టర్న్ అయినా జగపతి బాబు కీలక రోల్ పోషిస్తున్న ఈ సినిమాలో యంగ్ టైగర్ ఎన్టీఆర్ ప్రత్యేక పాత్రలో తళుక్కున మెరవనున్నట్లు సమాచారం. పూరి టెంపర్ తో తారక్ కు మంచి హిట్ ఇచ్చాడు.
ఆ సినిమాలో నటనకు ఎన్టీఆర్ ఉత్తమ నటుడిగా అవార్డు అందుకున్నాడు. దీంతో వీరిద్దరి మధ్య అనుబంధం పెరిగింది. రీసెంట్ గా పూరి తన లేటెస్ట్ సినిమాలో నటించమని కోరగా తారక్ ఒకే చెప్పినట్లు తెలిసింది. అన్నయ్య సినిమా కావడంతో స్పెషల్ అప్పీరియన్స్ కు ఇష్టంగా ఒప్పుకున్నట్లు సన్నిహిత వర్గాల వారు చెప్పారు. ప్రస్తుతం కొరటాల శివ డైరక్షన్ లో “జనతా గ్యారేజ్” షూటింగ్ లో బిజీగా ఉన్న యంగ్ టైగర్ .. ఈ మూవీ పూర్తి అయినా వెంటనే వక్కంతం వంశీ దర్శకత్వంలో ఓ సినిమా చేయనున్నాడు.
దీనిని కళ్యాణ్ రామ్ నిర్మిస్తున్నాడు. ఇందులో రెమ్యునరేషన్ తీసుకోకుండా నటించడానికి సిద్దమైన ఎన్టీఆర్, మరో నిర్ణయం తీసుకుని టాక్ ఆఫ్ ది టాలీవుడ్ గా నిలిచాడు. అన్నదమ్ములు ఒకేసారి స్క్రీన్ మీద కనిపిస్తే నందమూరి అభిమానుల ఆనందానికి హద్దు ఉండదు. అందుకే ఈ వార్త “ఇజం” సినిమా పై మరింత క్రేజ్ ను తీసుకొచ్చింది.
