బాలీవుడ్ లో భారీ చిత్రాల దర్శకుడిగా ఉన్న సంజయ్ లీలా భన్సాలీ క్రేజ్ అండ్ ఫేమ్ గురించి చెప్పాల్సిన పనిలేదు. ఆయన తెరకెక్కించిన దేవదాస్, బాజీరావ్ మస్తానీ, పద్మావతి, రామ్ లీలా వంటి అనేక సినిమాలు ఇండస్ట్రీ రికార్డ్స్ తిరగరాశాయి. ముఖ్యంగా పీరియాడిక్ చిత్రాలు తెరకెక్కించడంలో ఆయన పెద్ద దిట్టగా చెప్పుకోవచ్చు. కాగా ఈ బడా దర్శకుడు యంగ్ టైగర్ ఎన్టీఆర్ తో ఓ భారీ పీరియాడిక్ మూవీ ప్లాన్ చేస్తున్నాడట.
హిందీ, తెలుగుతో పాటు అన్ని ప్రధాన భాషలలో ఈ మూవీ విడుదలకు ఆయన ప్రణాళిక వేస్తున్నారట. ఇప్పటికే ఈ మూవీకి సంబందించిన స్క్రిప్ట్ ఆయన సిద్ధం చేసి ఉంచారని తెలుస్తున్న టాక్. ఎప్పటి నుండో ఈ దిగ్దర్శకుడు ఎన్టీఆర్ తో సినిమా చేయాలని ప్రయత్నాలు చేస్తున్నారట. ఐతే త్వరలో ఈ మూవీ కార్యరూపం దాల్చనునుందని వస్తున్న సమాచారం. ఎటూ ఎన్టీఆర్ నటించిన ఆర్ ఆర్ ఆర్ మూవీ పాన్ ఇండియా లెవెల్ లో వచ్చే ఏడాది విడుదల కానుంది.
కాబట్టి ఆ సినిమా తరువాత ఆయనకు పాన్ ఇండియా ఇమేజ్ రావడం ఖాయం. కాబట్టి సంజయ్ లీలా, ఎన్టీఆర్ తో మూవీ చేయడానికి ఇదే సరైన సమయం అని భావిస్తున్నారట. ఇక ప్రస్తుతం ఎన్టీఆర్ ఆర్ ఆర్ ఆర్ షూటింగ్ లో పాల్గొంటుండగా, కొద్దిరోజులలో త్రివిక్రమ్ మూవీ షూటింగ్ లో కూడా పాల్గొననున్నాడు. ఈ రెండు చిత్రాల అనంతరం సంజయ్ లీల భన్సాలీ మూవీ ఉండే సూచనలు కలవు.
Most Recommended Video
‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!
Home