‘ఉప్పెన’ సినిమా ఇలా విడుదలైందో లేదో… దర్శకుడు బుచ్చిబాబు సానాకి మంచి పేరు వచ్చేసింది. అంతేకాదు ఆ తర్వాత సినిమా ఇదేనంటూ కొన్ని పుకార్లు కూడా వచ్చేశాయి. అయితే ఏమైందో ఏమో కానీ… ఒక్క పుకారు కూడా నిజం కాలేదు. అయితే అలా వచ్చిన పుకార్లలో ‘ఎన్టీఆర్తో సినిమా’ అనే పుకారు చాలా గట్టిగా వినిపించింది. అందుకేనేమో ఇన్ని రోజుల బుచ్చిబాబు నిరీక్షణకు ఫుల్స్టాప్ పడింది. అవును ఎన్టీఆర్ – బుచ్చిబాబు సానా సినిమా పక్కా అంటున్నారు. గతంలో వినిపించిన పుకార్లే పక్కాగా కరెక్ట్ అని కూడా అంటున్నారు.
ఎన్టీఆర్ ఆ మధ్య ఇంటర్నేషనల్ మీడియాతో మాట్లాడినప్పుడు బుచ్చిబాబు సానా సినిమా గురించి ప్రస్తావించలేదు. దీంతో ఆ సినిమా ఇక లేనట్లే అనుకున్నారు కూడా. అయితే అభిమానుల మనసులో ఎక్కడో చిన్న బాధ. కారణం బుచ్చిబాబు చెప్పారు అంటున్న కథ, నేపథ్యం చాలా బాగుండటమే. స్పోర్ట్స్ నేపథ్యంలో ఆ సినిమా ఉంటుందని పుకార్లు వచ్చాయి. దీంతో తమ అభిమాన నటుడిని స్పోర్ట్స్ స్టార్గా చూడాలనుకున్నారు ఫ్యాన్స్. అయితే వారు మనసులో గట్టిగా కోరుకున్నట్లున్నారు.
బుచ్చిబాబు సినిమాలో తారక్ ‘ఛాంపియన్’గా కనిపిస్తాడట. మైత్రీ మూవీ మేకర్స్ బ్యానర్లోనే ఈ సినిమా ఉంటుందని పక్కాగా చెబుతున్నాయి టాలీవుడ్ వర్గాలు. అంతేకాదు వచ్చే నెల 11న ఈ సినిమాకు సంబంధించి ప్రకటన కూడా వచ్చేస్తుంది అని లెక్కలేస్తున్నారు. విశ్వసనీయ వర్గాల సమాచారం మేరకు ఈ సినిమాలో ఎన్టీఆర్ కబడ్డీ ఛాంపియన్గా కనిపించనున్నాడట. అంతేకాదు కోచ్గానూ ఆయన తెరపై సందడి చేయనున్నాడని సమాచారం. ‘పెద్ది’ అనే వర్కింగ్ టైటిల్తో షురూ కానున్న ఈ సినిమా కోసం ఎన్టీఆర్ ప్రత్యేకంగా సన్నద్ధం కానున్నట్టు చెబుతున్నారు.
అయితే ఈ విషయాలపై చిత్రబృందం అధికారికంగా స్పందించాల్సి ఉంది. అయితే ఇక్కడే ఒక డౌట్. బుచ్చిబాబు సానా సినిమా ఇప్పుడు అనౌన్స్ చేస్తున్నారంటున్నారు. మరి కొరటాల శివ సినిమా ఏమైనట్లు. సెట్స్ రెడీ, త్వరలో ప్రారంభం అని ఆ మధ్య కొరటాల శివ చెప్పిన విషయం తెలిసిందే. మరెందుకో ఆలస్యం.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
