Jr NTR: క్రికెట్ పై షాకింగ్ కామెంట్స్ చేసిన తారక్!

యంగ్ టైగర్ జూనియర్ ఎన్టీఆర్ హోస్ట్ గా బుల్లితెరపై ఎవరు మీలో కోటీశ్వరులు పేరుతో రియాలిటీ షో ప్రసారమవుతున్న సంగతి తెలిసిందే. ఈ షోలో ఎన్టీఆర్ తన గురించి అభిమానులకు తెలియని ఆసక్తికర విషయాలను పంచుకుంటూ షోపై ప్రేక్షకుల్లో ఆసక్తిని రోజురోజుకు పెంచుతున్నారు. నిన్నటి ఎపిసోడ్ లో అభిరాం అనే కంటెస్టెంట్ పాల్గొనగా ఆ కంటెస్టెంట్ కు క్రికెట్ కు సంబంధించిన ప్రశ్న ఎదురైంది. ఆ సమయంలో ఎన్టీఆర్ తనకు క్రికెట్ అంటే ఎంతో ఇష్టమని కానీ తండ్రి హరికృష్ణ వల్ల క్రికెట్ చూడాలనే ఆసక్తి తగ్గిపోయిందని ఎన్టీఆర్ అన్నారు.

ప్రస్తుతం క్రికెట్ ఆడటమంటే ఇష్టమే అయినా చూడటమంటే మాత్రం తనకు అస్సలు నచ్చదని ఎన్టీఆర్ కామెంట్లు చేశారు. బాల్యంలో ఉదయం సమయంలో టీవీలో ప్రసారమయ్యే క్రికెట్ మ్యాచ్ ను నాన్న వీసీఆర్ లో రికార్డ్ చేయమని చెప్పేవారని ఎన్టీఆర్ తెలిపారు. ​వీసీఆర్ లో ఏ విధంగా రికార్డ్ చేయాలో కూడా నాన్నే నేర్పించారని అందువల్ల ఆ మ్యాచ్ ను ఉదయం చూడటంతో పాటు సాయంత్రం కూడా చూడాల్సి వచ్చేదని ఎన్టీఆర్ చెప్పుకొచ్చారు.

​అలా ప్రతిరోజు చూసి చివరకు క్రికెట్ అంటే బోర్ కొట్టిందని ఎన్టీఆర్ వెల్లడించారు. ప్రస్తుతం ఎన్టీఆర్ ఆర్ఆర్ఆర్ మూవీలో నటిస్తున్నారు. వచ్చే ఏడాది సంక్రాంతి కానుకగా ఆర్ఆర్ఆర్ రిలీజ్ అయ్యే ఛాన్స్ ఉందని తెలుస్తోంది. కొరటాల శివ ఎన్టీఆర్ కాంబో మూవీ షూటింగ్ కూడా త్వరలో మొదలు కానుంది. ప్రస్తుతం ఎన్టీఆర్ ఎవరు మీలో కోటీశ్వరులు షూటింగ్ తో బిజీగా ఉన్నారు

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!