Jr NTR: తారక్ నిర్ణయంతో కళ్యాణ్ రామ్ రాత మారినట్టేనా..?

May 21, 2021 / 08:38 AM ISTByFilmy Focus

Join Us

Jr NTR: తారక్ నిర్ణయంతో కళ్యాణ్ రామ్ రాత మారినట్టేనా..?

స్టార్ హీరో జూనియర్ ఎన్టీఆర్ కు అన్న కళ్యాణ్ రామ్ అంటే ఎంతో అభిమానమనే సంగతి తెలిసిందే. ఏదైనా కథ నచ్చితే కళ్యాణ్ రామ్ ను ఆ కథ వినమని జూనియర్ ఎన్టీఆర్ సూచించిన సందర్భాలు కూడా ఉన్నాయి. నటుడిగానే కాకుండా కళ్యాణ్ రామ్ నిర్మాతగా కూడా ప్రేక్షకులకు సుపరిచితం. కళ్యాణ్ రామ్ హీరోగా తెరకెక్కిన సినిమాలలో ఎక్కువ సినిమాలకు ఆయనే నిర్మాతగా వ్యవహరించారు. అయితే కళ్యాణ్ రామ్ నటించిన సినిమాలలో ఎక్కువ సినిమాలు బాక్సాఫీస్ దగ్గర ఫ్లాప్ కావడంతో పాటు నిర్మాతగా ఆయనకు కోట్ల రూపాయల నష్టాలను మిగిల్చాయి.

అయితే కళ్యాణ్ రామ్ కు నిర్మాతగా నష్టాలు రావడంతో జూనియర్ ఎన్టీఆర్ కొన్నేళ్ల క్రితం కళ్యాణ్ రామ్ నిర్మాతగా తెరకెక్కిన జై లవకుశ సినిమాలో నటించారు. ఆ సినిమా ద్వారా కళ్యాణ్ రామ్ కు భారీ మొత్తంలో లాభాలు వచ్చాయి. అయితే కళ్యాణ్ రామ్ కు మేలు జరిగేలా జూనియర్ ఎన్టీఆర్ తన తరువాత సినిమాలకు నిర్మాతగా వ్యవహరించే అవకాశం ఇస్తున్నారు. కొరటాల శివ దర్శకత్వంలో ఎన్టీఆర్ హీరోగా తెరకెక్కుతున్న సినిమాను యువసుధ ఆర్ట్స్ తో పాటు కళ్యాణ్ రామ్ కు చెందిన ఎన్టీఆర్ ఆర్ట్స్ సంయుక్తంగా నిర్మిస్తున్నాయి.

ప్రశాంత్ నీల్ డైరెక్షన్ లో ఎన్టీఆర్ 31వ సినిమా తెరకెక్కుతుండగా ఈ సినిమాను మైత్రీ మూవీ మేకర్స్ తో పాటు ఎన్టీఆర్ ఆర్ట్స్ కలిసి నిర్మిస్తున్నాయి. పాన్ ఇండియా సినిమాలుగా ఈ సినిమాలు తెరకెక్కనుండగా ఈ సినిమాలపై ప్రేక్షకుల్లో భారీ అంచనాలు నెలకొన్నాయి. దాదాపు 400 కోట్ల రూపాయల భారీ బడ్జెట్ తో ఈ సినిమాలు తెరకెక్కనుండటం గమనార్హం. తారక్ నిర్ణయంతో కళ్యాణ్ రామ్ తలరాత మారుతుందేమో చూడాల్సి ఉంది.