టాలీవుడ్ టాప్ హీరోల్లో మహేష్, పవన్ కల్యాణ్ స్టామినా ట్రేడ్ వర్గాలకు సైతం అందనిది. అయితే వారిని సైతం దాటుకుని స్టైలిష్ స్టార్ అల్లు అర్జున్ తనకంటూ ఒక ప్రత్యేకతను చాటుకుంటున్నాడు. సరైనోడు సినిమాతో సూపర్ హిట్ కొట్టిన బన్నీ అటు తెలుగులోనే కాకుండా, మలయాళంలో కూడా తన టాలెంట్ తో దూసుకుపోతున్నాడు. బన్నీకి ఉన్న డాన్స్ స్కిల్స్ వల్ల కేరళా రాష్ట్రంలోని యూత్ అల్లుఅర్జున్ ను మల్లు అర్జున్ అంటూ అభిమానంగా పిలవడమే కాకుండా అక్కడ అతడికి అభిమాన సంఘాలు కూడ ఏర్పడ్డాయి.
ఇక తెలుగులో సరైనోడు గా వచ్చిన సినిమా మలయాళంలో యోధవు గా విడుదలయ్యి టాప్ హిట్ గా నిలవడమే కాకుండా అక్కడి టాప్ హీరోలను సైతం ఖంగు తినిపించింది. ఇదిలా ఉంటే ఇప్పుడు అదే ఇమేజ్ కు చెక్ పెట్టి తన స్టామినాను నిరూపించుకోవాలను చూస్తున్నాడు మన యంగ్ టైగర్ ఎన్టీఆర్….దానిలో భాగంగానే….‘జనతా గ్యారేజ్’ లో మోహన్ లాల్ ప్రధాన పాత్ర ఇచ్చి, అక్కడ మార్కెట్ ను ఆకట్టుకున్నాడు. అదే క్రమంలో తాజాగా విడుదలయిన జనతా గ్యారేజ్ తెలుగు టీజర్ ఎంతటి విజయాన్ని అందించిందో, అదే రేంజ్ లో మలయాళంలో మోహన్ లాల్ నే ఫోకస్ చేస్తూ విడుదలయిన టీజర్ సైతం ప్రకంపనలు సృష్టిస్తుంది.
ఇక ఈ సినిమా కోసం మోహన్ లాల్ ను బాగా ప్రమోట్ చేస్తూ కేరళాలో తన ఇమేజ్ బాగా పెంచుకోవడానికి ప్రయత్నిస్తున్నాడు జూనియర్. ఎన్టీఆర్ మంచి డాన్సర్ కూడ కావడంతో కేరళా యూత్ ను తారక్ టార్గెట్ చేయడం ఖాయం అని అంటున్నారు. దీనికితోడు ఈసినిమా ఆడియో ఫంక్షన్ ను కేరళాలోని తిరువనంతపురం కొచ్చిన్ లలో నిర్వహించి రికార్డు స్థాయిలో ఎన్టీఆర్ దూసుకుపోవాలని ప్రయత్నాలు చేస్తూ ఉండడంతో బన్నీ ఇమేజ్ పై నీలి నీడలు కమ్ముకోవడం ఖాయంగా కనిపిస్తుంది..చూద్దాం ఏం జరుగుతుందో.
