“బయోపిక్ లలో నేను నటించను. అసలు మా తాతగారి సినిమాలు రీమేక్ చేసే ఆలోచన నాకు లేదు, నేను ఆయన స్థాయి నటుడ్ని కాదు. అలాంటిది ఆయనలా నన్ను నటించమంటే నా వల్ల కాదు” సరిగ్గా రెండేళ్ల క్రితం “ఎన్టీఆర్” బయోపిక్ లో నటిస్తారా అని అడిగినప్పుడు జూనియర్ ఎన్టీఆర్ చెప్పిన మాట ఇది. నిజంగానే అప్పుడు మాట మీద నిలబడి ఎన్టీఆర్ బయోపిక్ లో నటించలేదు జూనియర్. కానీ.. ఇప్పుడు ఆ మాట తప్పే అవకాశాలున్నాయని తెలుస్తోంది. జయలలిత జీవితం ఆధారంగా తమిళ, తెలుగు, హిందీ భాషల్లో “తలైవి” అనే సినిమా తెరకెక్కిస్తున్న విషయం తెలిసిందే.
ఏ.ఎల్.విజయ్ దర్శకత్వంలో తెరకెక్కుతున్న ఈ చిత్రంలో కంగనా రనౌత్ టైటిల్ పాత్ర పోషిస్తోంది. అయితే.. జయలలిత జీవితంలో ఎన్టీఆర్ పాత్ర ప్రముఖమైనది. ఇద్దరు కలిసి చాలా సినిమాల్లో నటించారు. అందుకే బయోపిక్ లో ఎన్టీఆర్ పాత్ర ఉండాలి అని దర్శకుడు పట్టుబట్టాడు. తొలుత బాలయ్య చేత సదరు పాత్ర చేయించాలి అనుకొన్నప్పటికీ.. కంగనా పక్కన బాలయ్య సూట్ అవ్వడేమో అని ఆలోచించి ఎన్టీఆర్ ను అప్రోచ్ అయ్యారట. మరి ఎన్టీఆర్ ఒప్పుకొని తాతయ్య పాత్రలో మెరుస్తాడేమో చూడాలి.
తెనాలి రామకృష్ణ బిఏ బిఎల్ సినిమా రివ్యూ & రేటింగ్!
యాక్షన్ సినిమా రివ్యూ & రేటింగ్!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!
