Jr NTR: స్పీడ్ పెంచుతున్న తారక్.. కొత్త ప్రాజెక్ట్ లను ప్రకటించనున్నారా?

యంగ్ టైగర్ జూనియర్ ఎన్టీఆర్ (Jr NTR) వార్2 సినిమాలో ముఖ్య పాత్రలో నటిస్తున్న సంగతి తెలిసిందే. హృతిక్ రోషన్ (Hrithik Roshan) , తారక్ మధ్య వార్ సీన్స్ స్పెషల్ గా ఉండనున్నాయని ఆ సీన్స్ సినిమాకు హైలెట్ గా నిలవనున్నాయని తెలుస్తోంది. నవంబర్ నెలాఖరు నాటికి వార్2 సీన్స్ పూర్తి కానున్నాయని భోగట్టా. ఈ ఏడాదే దేవర1 (Devara) సినిమాను పూర్తి చేసిన తారక్ వార్2 సినిమాను సైతం పూర్తి చేయనున్నారు. ప్రభాస్  (Prabhas)  , తారక్ మాత్రమే కొన్ని నెలల గ్యాప్ లో రెండు సినిమాలను పూర్తి చేసిన హీరోలు అని అభిప్రాయాలు వ్యక్తమవుతున్నాయి.

యంగ్ టైగర్ జూనియర్ ఎన్టీఆర్ స్పీడ్ పెంచుతూ త్వరలో కొత్త ప్రాజెక్ట్ లను సైతం ప్రకటించే దిశగా అడుగులు వేయనున్నారని సమాచారం అందుతోంది. ప్రశాంత్ నీల్ (Prashanth Neel) మూవీ, దేవర2 సినిమా షూట్ లలో జూనియర్ ఎన్టీఆర్ ఎప్పటినుంచి పాల్గొంటారో తెలియాల్సి ఉంది. యంగ్ టైగర్ ఎన్టీఆర్ బ్యాక్ టు బ్యాక్ సినిమాలతో కెరీర్ పరంగా బిజీ అవుతున్నారు.

నెక్స్ట్ లెవెల్ కాన్సెప్ట్ లను ఎంచుకుంటున్న ఈ హీరో ఎంచుకుంటుండగా పాన్ ఇండియా స్థాయిలో తారక్ సినిమాలు ఏ రేంజ్ లో కలెక్షన్లు సాధిస్తాయో చూడాలి. బాలీవుడ్ ఇండస్ట్రీలో మార్కెట్ పెరిగేలా తారక్ అడుగులు పడుతున్నాయి. ప్రాధాన్యత ఉంటే మాత్రమే తారక్ మల్టీస్టారర్ లకు ఓకే చెబుతున్నారు. యంగ్ టైగర్ జూనియర్ ఎన్టీఆర్ పారితోషికం 100 కోట్ల రూపాయలకు అటూఇటుగా ఉంది. కొన్ని సినిమాలకు తారక్ లాభాల్లో వాటా తీసుకుంటుండటం గమనార్హం.

యంగ్ టైగర్ ఎన్టీఆర్ కథల ఎంపికలో ఎన్ని జాగ్రత్తలు తీసుకుంటున్నారో ప్రత్యేకంగా చెప్పాల్సిన అవసరం లేదు. జూనియర్ ఎన్టీఆర్ సోషల్ మీడియాలో క్రేజ్ అంతకంతకూ పెరుగుతుండటం గమనార్హం. జూనియర్ ఎన్టీఆర్ తన సక్సెస్ రేట్ ను పెంచుకుంటున్నారు. కర్ణాటకలో సైతం తారక్ కు అంచనాలకు మించి క్రేజ్ ఉండటం గమనార్హం.