‘ఆర్.ఆర్.ఆర్’ షూటింగ్ కు ఇంకా అడ్డంకులు తొలగలేదు..!

ఎన్టీఆర్, చరణ్ లకు గాయాలవ్వడంతో రాజమౌళి తెరకెక్కిస్తున్న ‘ఆర్.ఆర్.ఆర్’ చిత్రం షూటింగ్ వాయిదా పడింది. ఎట్టకేలకు చరణ్ కోలుకున్నాడు.. ఎన్టీఆర్ కూడా కోలుకున్నాడు… త్వరలోనే తిరిగి ‘ఆర్.ఆర్.ఆర్’ షూటింగ్ ప్రారంభమవుతుందని అంతా భావించారు. కానీ ఆ వార్తలో నిజం లేదని తాజాగా ఎన్టీఆర్ ను చూస్తే స్పష్టమవుతుంది. వివరాల్లోకి వెళితే.. ఈరోజు ఎన్టీఆర్ జ‌యంతి కావడంతో హైద‌రాబాద్‌లోని… ఎన్టీఆర్ ఘాట్‌ కు వ‌చ్చి తన తాత‌య్య‌కు నివాళులు అర్పించాడు ఎన్టీఆర్‌. అదే స‌మ‌యంలో ఎన్టీఆర్ చేతికి క‌ట్టు అలానే ఉండడం గమనార్హం.

• సీత సినిమా రివ్యూ కోసం ఇక్కడ క్లిక్ చెయ్యండి
• లిసా సినిమా రివ్యూ కోసం ఇక్కడ క్లిక్ చెయ్యండి
• ఎబిసిడి సినిమా రివ్యూ కోసం ఇక్కడ క్లిక్ చెయ్యండి
• మహర్షి సినిమా రివ్యూ కోసం ఇక్కడ క్లిక్ చెయ్యండి

అయితే దీని ప్రకారం ఎన్టీఆర్ ఇంకా గాయం నుండీ ఇంకా కోలుకోలేద‌ని తెలుస్తుంది. మరి అతి త్వరలో షూటింగ్ ప్రారంభమవుతుందని అంటున్నారు. మరి ఇలా కట్టుతో ఉంటే తారక్ షూటింగ్లో ఎలా పాల్గొంటాడు అనేది చర్చనీయాంశం అయ్యింది. అయితే గతంలో అనేకసార్లు గాయాలపాలైనప్పటికీ మొండిగా షూటింగ్ లో పాల్గొనేవాడు తారక్. అయితే ఆ చిత్రాల షెడ్యూల్ కూడా చాలా తక్కువ. కానీ ఇప్పుడు రాజమౌళి సినిమా అంటే ఎక్కువ షెడ్యూల్స్ ఉంటాయి.. అవికూడా భారీ ఎత్తున ఉంటాయి. మరి ఇలా సగం తగ్గిన గాయంతో షూటింగ్లో పాల్గొంటే రిస్కయిపోతుందని ఫిలింనగర్లో అనుమానాలు వ్యక్తం చేస్తున్నారు.