ప్రభాస్, మహేష్ సినిమాలను అభినందించిన కె.రాఘవేంద్రరావు

తెలుగు చిత్ర పరిశ్రమలోని గొప్ప దర్శకుల్లో కె. రాఘవేంద్రరావు ఒకరు. నలభైయేళ్ల సినీ పయనంలో ఆయన అనేక బ్లాక్ బస్టర్ చిత్రాలను తీశారు. నవ రసాల మూవీలను తెరకెక్కించి దర్శకేంద్రుడిగా కీర్తిపొందారు. అటువంటి వ్యక్తి నేటి సినిమాలపై స్పందించారు. యంగ్ రెబల్ స్టార్  ప్రభాస్ నటించిన మిర్చి, సూపర్ స్టార్ మహేష్ బాబు నటించిన శ్రీమంతుడు సినిమాలు తనకి బాగా నచ్చాయని వివరించారు. కమర్షియల్ సినిమాలో సమాజానికి ఉపయోగపడే విషయాన్నీ దర్శకుడు కొరటాల శివ చెప్పారని ప్రశంసలు గుప్పించారు. తీసే సినిమాలో ప్రయోజనాత్మక అంశం ఉంటే బాగుంటుందని యువ దర్శకులకు సూచించారు.

తమ హీరో చిత్రాలను రాఘవేంద్రరావు అభినందించడంతో మహేష్, ప్రభాస్ ఫాన్స్ అనందం వ్యక్తం చేశారు. హ్యాట్రిక్ హిట్ అందుకున్న కొరటాల మూడు చిత్రాలకే మెసేజ్ ఓరియెంటెడ్ కమర్షియల్ సినిమాలు తీసే దర్శకుడిగా గుర్తింపు సాధించారు. దర్శకేంద్రుడి నోటి వెంట తన పేరు రావడాన్ని కొరటాల  అవార్డు దక్కినంతగా సంతోషపడుతున్నారు.

Also, do SUBSCRIBE to our YouTube channel to get latest Tollywood updates.