హీరోలతో తన అనుభవాన్ని చెప్పిన కాజల్ అగర్వాల్

ముంబై బ్యూటీ కాజల్ అగర్వాల్ ని దక్షిణాది ప్రజలు తమ అమ్మాయిగా ఆదరించారు. ముఖ్యంగా తెలుగు, తమిళంలో ఆమె నటించిన సినిమాలు సూపర్ హిట్ అయ్యాయి. అందుకే పదేళ్లలో 50 సినిమాల్లో కథానాయికగా మెప్పించగలిగింది. ప్రస్తుతం కాజల్ టాలీవుడ్ లో రానాతో నటించిన నేనే మంత్రి నేనే రాజు సినిమా చేసింది. అలాగే కళ్యాణ్ రామ్ తో మంచి లక్షణాలున్న అబ్బాయి సినిమాలో హీరోయిన్ గా నటిస్తోంది. అంతేకాదు  కోలీవుడ్‌లో ఏకకాలంలో స్టార్‌ నటులు అజిత్, విజయ్‌లతో కలిసి నటిస్తోంది. ఈ సందర్భంగా కోలీవుడ్ స్టార్స్ తో జర్నీ ఎలా ఉందని అడిగితే ఆసక్తికరమైన సమాధానం చెప్పింది. ‘అజిత్ సెట్‌లో అందరితో చాలా ప్రేమగా, గౌరవంగా ఉంటారు. ఎవరికీ ఉచిత సలహాలు ఇవ్వరు. అయితే అజిత్‌ను గమనిస్తేనే చాలా విషయాలను నేర్చుకోవచ్చు” అని వివరించింది.

విజయ్ గురించి స్పందిస్తూ ” విజయ్ శ్రమజీవి. సెట్‌లో చాలా శాంతంగా ఉంటారు. అయితే కెమెరా ముందుకు వెళ్లారంటే అందరూ ఆశ్చర్య పోవాల్సిందే. అంత అంకితభావంతో నటిస్తారు” అని కాజల్ వెల్లడించింది. ఇక సూర్యని అద్భుత నటుడని అభినందనలతో ముంచెత్తింది. పాత్రగా మారడానికి శక్తి వంచనలేకండా కృషి చేస్తారని చెప్పుకొచ్చింది.  అందుకే కోలీవుడ్ లో ఈ ముగ్గురు తనకు స్పెషల్ అని చెప్పింది.

Also, do SUBSCRIBE to our YouTube channel to get latest Tollywood updates.